О́nerimizdiń órisin keńge jaıyp, elimizdiń tóńiregi ǵana emes, muhıt asyp ulttyq mýzykamyzdy kórsetýge tamasha múmkindik týdy. Álem jurtshylyǵy qazaq elin tabıǵı resýrsy baı memleket qana emes, mádenıeti men tarıhy da taǵylymdy ult retinde tanyp, ónerimizge tańdaı qaǵa qol soǵysty. Munyń barlyǵy álem elderi men Qazaqstannyń arasyndaǵy myzǵymas berik dostyq qarym-qatynasty ornata bilgen asa qadirmendi Elbasymyzdyń ult keleshegi úshin jumsaǵan qajyr-qaırat, esepsiz tókken mańdaıteri – eńbeginiń jemisi dep bilemiz.
Naýryz aıynda Nursultan Ábishulynyń Prezıdent laýazymynan óz erkimen bas tartyp, ókilettigin toqtatý jóninde sheshim qabyldaýy – memleketimiz úshin alda úlken syn men jaýapkershilikke toly kezeńniń kútip turǵanyn málim etken bolatyn. Ol – jańa Memleket basshysyn saılaý. Osyǵan oraı Memleket basshysy Qasym-Jomart Toqaevtyń 2019 jyldyń 9 sáýirinde Qazaqstan halqyna úndeýinde Prezıdent saılaýyn mezgilinen buryn ótkizý týraly sheshimin qoldaımyz.
Elimizdiń erteńine úlken jaýapkershilikpen qarap, keleshegin alystan boljaı biletin kemel azamat Qasym-Jomart Kemelulynyń bul sheshimi Otanymyzdaǵy turaqtylyqty saqtap qalý úshin jáne beıbitshilik pen baqytty bolashaq úshin jasalǵan tarıhı sheshim dep oılaımyn.
Nurǵısa DÁÝEShOV,
Qurmanǵazy atyndaǵy Qazaq memlekettik akademııalyq halyq aspaptar orkestriniń dırektory
