Irikteý kezeńi Shyǵarmashylyq Akademııasyna kelgen qatysýshylardy tirkeýden bastaldy. Ata-analary, mýzykalyq tálimgerleri men dostarynyń qoldaýymen asyǵa kelgen balalarǵa kastıngtiń erejeleri men formaty túsindirildi. Mýzykalyq prodıýser Farıda Nııazova balalardyń daýystaryn jattyqtyrǵannan keıin ádil qazylar alqasy men onyń quramyndaǵy tanymal qazaqstandyq oryndaýshy Dastan Orazbekov jas óreńderdiń ónerlerin tamashalady. Balalar daıyndaǵan úsh ánderin aıtyp, óz vokaldy qabiletteri men ártistik sheberlikterimen tańǵaldyrdy. Irikteý kezeńinde qazaq, orys, aǵylshyn, jáne basqa da tilderdegi ánder oryndaldy.
Jan tebirentetin daýysy men jarqyn júzimen súısindire alǵan 10 jasar Súleımenova qazylar alqasynyń sheshimimen aqtyq kezeńge joldama aldy. Anel 25 men 27 qazan aralyǵynda Respýblıka saraıynyń sahnasynda ótetin aqtyq kezeńinde Aqtóbe oblysynyń atynan óner kórsetpek.
Aıta ketsek, biregeı jobada 8 ben 12 jas aralyǵynda 17 bala qatysady.
Mádenıet jáne sport mınıstrligi jáne Qazaqstan Respýblıkasynyń Birinshi Prezıdenti-Elbasy qorynyń qoldaýymen Álııa Nazarbaevanyń qoǵamdyq qory uıymdastyratyn Baıqaýdyń irikteý kezeńi 29 naýryzdan 22 mamyrǵa deıin ótedi.
