Ádildiktiń atar tańy

Seısenbi, 12 maýsym 2012 7:15

Quqyq qorǵaý organdary qyz­metkerlerin kezekten tys attestattaý sharasy naýqandyq sıpat almaǵany jón. Al tıimdi nátı­jege jetý úshin mundaı tekseris­terdi únemi ári júıeli túrde júr­gizip, sonymen qatar jetildirip otyrý qajet. Árıne, bir jyldyń ishinde barlyq quqyq qorǵaý organdary qyzmetkerleriniń densaý­lyq da­ıyndyǵy men kásibı bilim deńgeıin anyqtap alarmyz, biraq ár maman­nyń adamgershilik, jeke tulǵalyq qabiletterin kim tek­seredi, adam­nyń osyndaı qoǵam úshin mańyzdy qyrlary eske­ril­meı qalmaı ma degen suraq meni mazalaıdy.

Seısenbi, 12 maýsym 2012 7:15

Quqyq qorǵaý organdary qyz­metkerlerin kezekten tys attestattaý sharasy naýqandyq sıpat almaǵany jón. Al tıimdi nátı­jege jetý úshin mundaı tekseris­terdi únemi ári júıeli túrde júr­gizip, sonymen qatar jetildirip otyrý qajet. Árıne, bir jyldyń ishinde barlyq quqyq qorǵaý organdary qyzmetkerleriniń densaý­lyq da­ıyndyǵy men kásibı bilim deńgeıin anyqtap alarmyz, biraq ár maman­nyń adamgershilik, jeke tulǵalyq qabiletterin kim tek­seredi, adam­nyń osyndaı qoǵam úshin mańyzdy qyrlary eske­ril­meı qalmaı ma degen suraq meni mazalaıdy.

Men kezinde Bas prokýrordyń kadr máselesi jónindegi orynbasary qyzmetin atqardym, sodan kóńilge túıgen biraz jáıtterdi aıtyp óteıin. Quqyq qorǵaý salalarynda myqty júıelengen mamandar daıarlaý qyzmeti jumys isteý kerek, olar ár mamannyń óziniń beıimdiligi men biliktili­gine qaraı qyzmet baspaldaǵymen kóterilýin qatań qadaǵalap otyrýlary kerek. Iаǵnı, qarapaıym qyzmetkerler adal qyzmet etý barysynda úlken bıiktikterge qol jetkizetinderine senimdi bolýlary qajet, al bas­shylyq ádildik pen týra sózdiń adamy retinde qolastyndaǵylarǵa úlgi bolǵan­dary jón. Bir sózben aıtqanda, ár qyzmetker óziniń basshysyna senýi qajet.

Bul oraıda taǵy bir atap aıtar jáıt, quqyq salasynda qyzmet at­qaratyn adamdardy joo-da kásibı bilim alyp júrgen kezderinen tanyp bilý kerek jáne sol kezderden bastap Otan úshin, halyq úshin adal qyzmet etýge tárbıelegen durys.

Qazirgi kezde quqyq qorǵaý organdary mamandaryn attestattaý qalaı ótip jatqandyǵy týraly eli­mizdiń buqaralyq aqparat qu­ral­darynda aıtylyp jatyr. So­nyń ishinde meni tańǵaldyrǵany – mamandardyń artyq salmaǵy bolmaýy kerek degen talap. Bul de­genimiz artyq talap, óıtkeni ár adamnyń dene kúshiniń ózindik ereksheligi bolady, ony eskerý kerek, eń basty eskeriletin jáıt ol adamnyń kásibı deńgeıi men bilik­tiligi talapqa saı bolýy qajet dep esepteımin. Artyq salmaǵyń bar dep joǵary kásibı bilimi bar, óz isiniń sheberi atanǵan mamandy attestattaýdan ótkizbeý ábestik emes pe. Eger maman densaýly­ǵyna, adaldyǵyna baılanysty qoıylatyn talaptardan óte almasa, onda áńgime basqa. Meniń oıymsha, ár mamanǵa mu­qııat nazar aýdarý qajet, óıtkeni ár adamnyń artynda oǵan úmit artqan onyń otbasy turady, sony birinshi kezekte eskerýimiz kerek.

Taǵy bir alańdatatyn jáıt, ol – qolastynda qyzmet atqaratyn qyz­metkerleriniń jaýapsyzdyǵy úshin úlken shendegi bastyqtardy ju­mystan shyǵarý úrdisiniń beleń alýy. Bul iske bir jaqty qaraýǵa bolmaıdy, eń birinshi basshy qyz­metkerlerdiń jıi qyzmet ornyn aýystyratynyn eskere otyryp, zańsyzdyqqa jol bergen mamandy sol basshynyń qyzmetke alǵan nemese almaǵanyn tekserý qajet, eger shyn máninde basshynyń sondaı biliksiz adamdy jumysqa al­ǵany anyqtalsa ǵana jaýapqa tartý kerek dep esepteımin. Iаǵnı zań­syzdyq jasaǵan adamdy kim ju­mysqa aldy, kim qoldap otyr, nege jaýap­syz­dyq­qa jol berdi degen máseleler jan-jaqty tekse­ri­lýi qajet. Al ómir boıy eli úshin adal eńbek etip, shynaıy isker­ligimen, kásibı bilik­tiligimen kóz­ge túsip úlken man­sapqa qol jet­kizgen basshyny qol­as­tyndaǵy qyzmetkerdiń aqymaq­tyǵy úshin jaýapqa tartyp, bir sátte joǵar­ǵy mansabynan aıyrý shartymen kelise almaımyn.

Quqyq qorǵaý organdary tarapynan da kóptegen zańsyzdyq­tardyń oryn alǵanyn jasyrýdyń qajeti joq, bul sala mamanda­rynyń shekten shyqqan áreketteri men jaýapsyzdyqtary qoǵamda úlken daý-damaı týdyrdy. Qazirgi kezde olardyń óz qyzmetterin asy­ra paıdalanyp, jeńushynan jalǵasqan sybaılas jemqorlyq­tyń bas kóterýine sebepshi bolyp otyrǵandary kópshilikke málim. Ásirese, qoǵamda orasan keń etek jaıǵan osy jemqorlyqtyń boı bermeı bara jatqan­dyǵyn ashyq aıtpasqa bolmaıdy, bul – zań buzýshylyqtyń eń qa­ýipti túri, ol memlekettik bıýd­jet­tiń jáne jeke­menshik múliktiń tonalýyna jol ashady, elimizge keletin ınvestorlardyń jolyn jaýyp, olardyń bizge degen se­nimin joıady. Jemqorlyqtan eń úlken zııan shegetin, demokra­tııa­lyq standarttar boıynsha turmys deńgeıi ortasha dep esepteletin turǵyn­dardyń negizgi bóligin quraıtyn shaǵyn jáne orta bıznes salasy, qazirgi kezde osy atal­ǵan salalar quqyq qorǵaý organ­darynyń jú­ıesiz tekseristerinen bas kótere almaı otyr.

Sondyqtan da jemqorlyqpen kúres máselesinde quqyq qorǵaý organdarynyń qyzmetkerleri úshin eń basty ólshem – ar taza­lyǵy bolýy kerek, ıaǵnı olar esh­qandaı aqshaǵa satylmaıtyn jandar bolýy tıis. Árıne, quqyq qor­ǵaý organdary jemqorlyqpen jalǵyz ózderi kúre­se almaıdy, bul baǵytta memleket pen qoǵam birlese jumystar atqa­rýy kerek. Eń birinshi kezekte atqa­rylatyn shara – jemqorlyq jaıla­ǵan mekemeler, olardyń ke­sirinen qoǵam men memleketke kel­tirilgen shy­ǵyndar jáne t.b. zardaptar kóle­mi jaıly aqparattardy elimizdiń buqaralyq aqparat qural­dary únemi taratyp otyrýlary qajet.

Qaırat JÚSIPOV,

3-dárejeli memlekettik ádilet keńesshisi.