Kezdesý barysynda Qazaqstannyń Tuńǵysh Prezıdentine elimizdegi zańdylyq pen quqyqtyq tártiptiń ahýaly, sondaı-aq azamattardyń áleýmettik-ekonomıkalyq saladaǵy quqyqtaryn qorǵaý úshin atqarylyp jatqan jumystar týraly málimdeldi.
Bas prokýror Elbasy Nursultan Nazarbaevqa elimizdiń qylmystyq zańnamasyn izgilendirý jáne túrmege qamalǵandardyń álemdik reıtıngi boıynsha Qazaqstannyń bedelin arttyrý úshin atqarylyp jatqan jumystardyń nátıjeleri týraly baıandady.
Sonymen qatar, kezdesýde eńbek daýlaryn sheshýge qatysty azamattardyń quqyqtaryn qorǵaý úshin Bas prokýratýra men Úkimet tarapynan atqarylyp jatqan jumystarǵa basa mán berildi. Ǵ.Nurdáýletovtyń málimetine sáıkes, byltyr birlese kúsh jumyldyrýdyń arqasynda eńbekaqy boıynsha 2,4 mlrd teńge kólemindegi qaryz óteldi.
Qazaqstannyń Tuńǵysh Prezıdenti shaǵyn jáne orta bıznes salasyndaǵy tekseristerdi azaıtý úderisine tıisti baqylaý jasaýdyń mańyzdylyǵyn atap ótti.
