Búgin aýdan ákimi Baqyt Asanov Myrzakent kenti ákimi apparatynyń ujymyna jańa basshyny tanystyryp, aldaǵy isine sáttilik tiledi.
Myrzakent – aýdanymyzdyń bet-beınesi. Aýdan ortalyǵy qazirgi zaman talabyna saı kelbetke ıe bolýy kerek. Sondyqtan, munda atqarylýy kerek jumystar óz kezegin kútip tur. Kentte kóriksiz kóshe boılary men ǵımarattardy árleý, ıesiz júrgen maldarmen jáne sanıtarlyq tazalyqty saqtaýdaǵy jumystardy jandandyrý qajet. Sondaı-aq, iri qurylys nysandaryn salyp, kóp qabatty turǵyn úılerdiń, mektepter men sport nysandarynyń sanyn kóbeıtý kerek. Kóshelerdi asfaltteý máselesi de shet qalmaýy tıis, dedi Baqyt Nasyrhanuly.
Aıta keteıik, Beısenbaev Mamyr 1961 jyly Maqtaral aýdany Qaraqaı aýylynda dúnıege kelgen. Bilimi joǵary, 1985 jyly Almaty arhıtektýra-qurylys ınstıtýtyn ónerkásiptik jáne azamattyq qurylys mamandyǵy boıynsha bitirgen.
Eńbek jolyn 1984 jyly «Jetisaı aýyl qurylys» tresine qarasty «Qurylys zattary» zaýytynda bas tehnolog bolyp bastap, ınjener, bas ınjener, zaýyt dırektory qyzmetterin abyroımen atqarǵan.
1998-2005 jyldary aralyǵynda «Qýat-Jetisaı qurylys» JShS-de bas ınjener bolyp eńbek etti.
2005-2018 jyldary aralyǵynda «Ońtústik-Jaryq Tranzıt» JShS-ne qarasty Maqtaral aýdandyq bólimshesinde tehnık, ınjener, jetekshi ınjener jáne Shardara aýdany elektr jelisi bastyǵynyń orynbasary qyzmetterin atqaryp, 2018 jyldyń mamyrynan bastap osy ýaqytqa deıin «Maqtaaral» fýtbol klýby dırektorynyń orynbasary bolǵan.
