Saılaý • 16 Sáýir, 2019

Kásipodaq – úlken kúsh

806 retkórsetildi

Jergilikti kásipodaq uıymynyń ókilderi Prezıdent Qasym-Jomart Toqaevtyń úndeýinde belgilengen saıası sheshimge qatysty ózderiniń erik-jigerlerin bildirý úshin S.Muqanov atyndaǵy ǵylymı-ámbebap kitaphanaǵa jınalyp, oı-pikirlerin ortaǵa saldy.

Kásipodaqtardyń úılestirý keńesiniń keńeıtilgen otyrysyn oblystyq kásipodaqtar bir­­les­tiginiń tóraǵasy Erik Nu­ra­qaev kirispe sózben ashyp, eń aldymen barlyq áleý­met­tik jaýapkershiligi joǵary jasam­pazdyq kúshterdi, barsha qazaq­standyqtardy halyqaralyq talaptar men standarttarǵa saı ádil de ashyq saılaý ótkizýge qoldaý kórsetýge shaqyrǵan res­pýblıkalyq kásipodaqtar úndeýimen qysqasha tanystyryp ótti. Onda eńbekkerlerdiń quqyǵyn qorǵaý, jumys isteýge tıisti jaǵdaı jasaý, sondaı-aq áleýmettik áriptestiktiń tıimdi yntymaqtastyǵy salasynda kóptegen kókeıkesti máseleler­di sheshýdiń mańyzy zor, mundaı óreli mindetter búkil­halyq­tyq mandat alǵan Pre­zı­denttiń basshylyǵymen turaq­tylyq, aıqyndyq jáne ashyq­tyq jaǵ­daıynda oryndalary sózsiz ekeni aıtylǵan, deı ke­lip, 9 maý­sym kúni ár kásipodaq múshe­si saılaý ýchaskesine baryp, kons­tı­týsııalyq azamattyq boryshyn óteıtinine senim bildirdi. 

Qazaqstan Respýblıkasynyń Tuńǵysh Prezıdenti Nursultan Nazarbaev belgilep bergen mem­lekettik baǵdarlamalar men aýqym­dy is-qımyl josparlary barlyq salany qamtyp otyr­ǵanyn bárińiz kórip, bilip otyrsyzdar. 18 salalyq kásipodaqty biriktiretin respýblıkalyq kásip­odaqtar federasııasyna 2 mıllıondaı adam múshe. Ob­lys­tyq uıym 50 myńnan astam adamnyń basyn qosady. 1 myń­ǵa jýyq bastaýysh kásipodaq uıy­my jumys isteıdi. Árkez eńbek adamynyń múddesin qor­ǵaıtyn bedeldi qoǵamdyq ınstı­týttyń aralaspaıtyn salasy kemde-kem. «Jumysshylar óz­derin laıyqty sezinýleri úshin kásipodaqtar qozǵalysy óz bıi­ginde bolýy tıis», dep El­ba­sy sıpattama bergen uıym eń­bek qarym-qatynastaryndaǵy turaq­tylyqty qamtamasyz etip, jańasha baǵytta jumys istep keledi, dedi ol. Aýyldyq jerlerde medısınany damytyp, jas mamandardyń qonystanyp, turaq­tanýy úshin jarty mıl­lıon teńge mólsherinde kóterme­aqy usynylǵanyna, «7-20-25» baǵ­darlamasy sheńberinde 20 paıyz bastapqy jarna­ny tóleý úshin sertıfıkat qaras­tyrylǵanyna, eńbek sharttaryn odan ári jetildirý, eńbek qaýip­sizdigin saqtaý baǵy­tyn­daǵy bastamalardyń alda da qoldaý tabatynyna naqty mysal­dar keltirdi. 

 El ómirindegi eleýli kezeńdi bastan keshirip otyrmyz, dedi óz sózinde «Memlekettik, bank mekemeleri jáne qoǵamdyq qyzmet kórsetý qyzmetkerleri­niń salalyq kásipodaǵy» qoǵam­dyq birlestiginiń jetek­shisi Temirǵalı Ábilmájinov. Sondyqtan osyndaı syndarly shaqta bir arnaǵa toptasqanymyz óte qajet. Ishki, syrtqy saıasatta Qazaqstannyń tájirıbesi mol.Táýelsiz elimizdiń negizin salyp, qabyrǵasyn qalap, otyz jylǵa ýaqyt ishinde álemdik arenaǵa tanytqan Nursultan Ábishuly salǵan sara joldyń dáıektilikpen jalǵasatynyna, kezekten tys saılaýdyń tarıhı, saıası mańyzdylyǵyna toqtaldy. Negizgi maqsat – ár azamatqa elimizde atqary­lyp jatqan reformalardyń mańyzdylyǵyn jetkizý, tú­sin­dirý, tolǵantqan saýaldarǵa ja­ýap berý, máselelerdiń sheshi­lýin baqylaýǵa alý. 

«Aýyl sharýashylyǵy qyz­met­kerleri salalyq kásip­odaǵy» atynan sóz alǵan onyń tór­aǵasy Beket Nuǵymanov joǵa­ry bılik Ata Zańymyz­dy bas­shylyqqa ala otyryp, elimiz­diń odan ári baıandy órken­deýi baǵytynda ornyqty sheshim qabyldaǵanyn, ár saılaý­shy qoǵamnyń turaq­tylyǵy úshin daýys berýge baratynyn, jurtshylyq bolyp saılaýǵa belsendi túrde qatysý birden-bir durys tańdaý ekenin tilge tıek etti.

Basqa sóıleýshiler de sol­tú­s­tikqazaqstandyq kásipo­daq músheleri kezekten tys prezı­denttik saılaýǵa bir kisideı ún qosyp, syndarly sátte top­tas­qandyqtyń bıik úlgisin kórse­tetinin alǵa tartty. 
 
 Soltústik Qazaqstan oblysy
Sońǵy jańalyqtar

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar