Ekonomıka • 16 Sáýir, 2019

Á.Smaıylov: Memlekettik bıýdjetke 2,9 trln teńge túsim jınaldy

791 retkórsetildi

Búgin Úkimet otyrysynda Premer-Mınıstrdiń Birinshi orynbasary - Qarjy mınıstri Á. Smaıylov «2019 jylǵy 1 toqsandaǵy memlekettik bıýdjettiń atqarylýy týraly» baıandady.

«Bıyl qarjy jylynyń birinshi toqsanynda bıýdjettiń barlyq deńgeılerinde kirister jospardan asyra oryndalyp, oń ósý qarqynan kórsetti. Shyǵystardyń atqarylýy 2018 jyldyń osyndaı kezeńimen salystyrǵanda jaqsardy. Esepti kezeńde memlekettik bıýdjetke 2,9 trln teńge túsimder jınaldy. 3 trln teńgege shyǵystar  atqaryldy. Memlekttik bıýdjettiń tapshylyǵy 94 mlrd teńgeni qurady. Bul jospardan 162 mlrdteńgege az. Qolma-qol aqshanyń baqylaý shotynda 285 mlrd teńge qarajat qalyptasty», dedi Á.Smaıylov.

Budan soń, ol bıýdjet parametrleriniń oryndalýy týraly baıandady.

«Memlekettik bıýdjettiń kiristeri eseptilik kezeńniń josparyna qaraǵanda 105,6%-ke, respýblıkalyq – 102,1%-ke, jergilikti bıýdjetter – 116,6%-ke asyra oryndaldy. О́tken jyldyń uqsas kezeńimen salystyrǵanda memlekettik bıýdjettiń kiristeriniń  ósý qarqyny - 115%, RB – 120,6% jáne JB - 102% qurady» dedi mınıstr.

Onyń aıtýynsha, respýblıkalyq bıýdjetke 1 567 mlrd teńge kiris túsken. Bul jospardan 33 mlrd teńgege, al byltyrǵy jyldyń osyndaı kezeńimen salystyrǵanda  268 mlrd teńgege artyq.

«Jospardyń asyra oryndalýy salyqtar esebinen – 20 mlrd teńge, salyqtan tys tólemder boıynsha – 10 mlrd teńge qalyptasty. Esepti kezeńde bıýdjetke 1 532 mlrd teńge salyqtar jınaldy. Bul josparǵa qaraǵanda 101,3%-ke artyq», dedi ol.

Mınıstrliktiń aqparatyna súıensek, 2018 jyldyń uqsas kezeńimen salystyrǵanda salyqtar 264 mlrd teńgege kóp túsken. Bul jaǵdaıǵa negizinen qosylǵan qun salyǵy, korporatıvtik tabys jáne halyqaralyq saýda men syrtqy operasııalarǵa salynatyn salyqtar yqpal jasady.

«Salyqtar josparynyń artyǵymen oryndalýyna makroekonomıkalyq jaǵdaıdyń jaqsarýy jáne teńgege shaqqanda dollar baǵamynyń ózgerýi óz áserin tıgizdi. Jergilikti bıýdjeterdiń óz kiristeri 81 mlrd teńgege  artyǵymen oryndalyp, 571 mlrd teńgeni qurady. Asyra oryndalý somasynyń 88%-i salyqtarǵa keledi. Barlyq óńirlerde kiristerdiń jospary artyǵymen oryndaldy», dedi  Á.Smaıylov.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar