Rýhanııat • 16 Sáýir, 2019

Altyn búrmeli buıym

774 retkórsetildi

Jýyqta Arqalyq qalasyndaǵy Dala ólkesi tarıhy oblystyq mýzeıi baǵa jetpes qundy jádigermen tolyqty. Bul mura – shuraıly meken Qaratorǵaı ózeni boıynda qonys tepken Jańaqala aýyly mańaıynan tabyldy.

Zertteýshiler atal­ǵan jádiger bizdiń zama­nymyzǵa deıingi 500-600 jyldyqqa jatatyn saq dáýiriniń mu­rasy deıdi. Rasyn­da, saq dáýirinde Uly dalada qol­­danbaly óner jaqsy damyp, ásirese altyn buıymdardy zerger­lik isine paıdalaný keń etek alǵany tarıhtan belgili. 

Mýzeı qoryna qabyl­danǵan jádigerge poshym-sıpaty men jasalý ereksheligine qaraı «Búrmeli altyn syrǵa nemese saqına» degen ataý be­rýge laıyq. Syrǵanyń sal­pynshaq bóligine qumyra pishindes 20 usaq búrshik búrmelengen. Bir qaraǵanda, bul búrmeler bıdaı dánine de uqsaıdy. Jádigerdiń salmaǵy – 20 gramm, taza altynnan ja­salǵan, sheńberiniń dıa­metri – 2,9 sm, eni – 8 mm, buıymnyń ne­gizgi bıiktigi – 5,4 sm, qumyraǵa uqsas búrshikterdiń bıiktigi – 9 mm, onyń dıametri – 6-6,1 mm, qumyra aýyzy­nyń bıiktigi – 1 mm, dıa­metri – 2,5 mm.

Buıymdy mýzeı qo­ryna ótkizgen mesenat Sapar Ysqaquly ja­­saq­taǵan ekspedısııa mú­she­leri jáne elor­dadaǵy Ult­tyq mýzeı janynan qu­rylǵan «Halyq qa­zy­nasy» ǵylymı-zertteý ıns­tıtýtynyń basshysy Ahan Ońǵar­uly. 

«Torǵaı óńiri áli tolyq zerttelmegen. Al­daǵy ýaqytta mundaı jádigerlerdiń talaıy ta­bylatyny anyq. Sol sebepti, bıyl da qaz­ba jumystaryn jal­ǵastyrý arqyly ólkege etnografııalyq zertteý­ler júrgizemiz» dedi Ahan Oń­ǵaruly.

Ásel О́TKELBAEVA, 

Arqalyq qalasyndaǵy Dala ólkesi tarıhy oblystyq mýzeıiniń bas qor saqtaýshysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar