Aımaqtar • 16 Sáýir, 2019

Krasnoarmeıka ketti, Kemeńger keldi!..

1502 ret

kórsetildi

1 mın

oqý úshin

Endi Lýgansk, Aleksandrovka, Alekseevka, Galkıno, Krasılovka, Orlovka, Pıatıryjsk, Sosnovka, Hmelnıskıı, Chıgırınov, Jelezınka, Ýspenka, Pavlodar, Grıgorevka, Efremovka, Chernoresk, Chernoıarka, Rojdestvenka, Olgınka, Sychevka, Rozovka, Novochernoıarka, Naberejnoe, Bogdanovka, Berezovka, Zaozernoe degen óńirdegi aýyl ataýlary Krasnoarmeıkanyń sońynan birge ketse tipti jón bolar edi.

Farıda BYQAI

Al Krasnoarmeıka – óńirdegi Pavlodar aýdanynyna qarasty aýyl. Tipti aýdan ortalyǵynyń ataýy da oblys ortalyǵynyń atyn qaıtalap tur.

Aýdanǵa qarasty qyryq shaqty aýylda 30 myńdaı halyq bolsa, Krasnoarmeıkada 7 myńdaı halyq turady. Aýylda «QazAgroInnovasııa» AQ quramyndaǵy aýyl sharýashylyǵy ınstıtýty jumys isteıdi. Osy kúnge deıin Krasnoarmeıka agro kolledji, Krasnoarmeıka orta mektebi dep atalyp keldi. Mektepte 400-deı oqýshy, al kolledjde 540 stýdent oqıdy. «Serpin» baǵdarlamasymen oqyp, bilim alyp jatqan ońtústikten kelgen 100-deı jas bar.

Biz buǵan deıin gazetimizde balalarymyzǵa eldik maqsat-múdde, patrıottyq tárbıe berý úshin mekteptiń, kolledjdiń aty-jónderiniń mán-maǵynasyn durystap bereıik, «Aýyldan da, mektepten de Krasnoarmeıka ataýy alynsa» degen birneshe oı salar maqalalar jazdyq ta.

Jýyrda 1954 jyly Krasnoarmeıka ataýyn alǵan, sol ataýmen 65 jyl ómir súrgen aýyl Kemeńger ataýyna ózgerdi.

Kemeńger aýyly atanýyna Alpysbaı Shalabaev, Jolaman ata, Jarylǵasyn Qojeke, Qojına Qapıza, Seısembaı Qalıev, Hamıden Sárinjip, Orazbaı Ábilqasym sııaqty úlkender bastama kóterip, ony aýyl turǵyndary jappaı qoldady.

Pavlodar oblysy, Pavlodar aýdany