«О́nerkásip boıynsha joǵary ósý Shyǵys Qazaqstan oblysynda, Nur-Sultan qalasynda, Atyraý jáne Qostanaı oblystarynda baıqalady. Al Qyzylorda, Qaraǵandy, Batys Qazaqstan jáne Mańǵystaý oblystarynda ósý qarqyny baıaý», dedi ol.
Budan soń, mınıstr óńirlerdegi qurylys salasynyń ózgeristerin baıandady.
«Qurylys boıynsha artta qalǵan óńirler sany 8-den 4 -ke deıin qysqardy. Nur-Sultan qalasy, Aqmola oblysy, Shymkent qalasy jáne Mańǵystaý oblysy artta qalyp otyr. О́tken jylǵy qurylys jumystary men iri obektilerdi rekonstrýksııalaý kólemin eseptemegende, Nur-Sultan qalasyndaǵy qurylys aǵymdaǵy jylǵy qańtar-naýryzda 1,9%-ǵa ósti», dedi R.Dálenov.
Onyń aıtýynsha, negizgi kapıtalǵa ınvestısııalar boıynsha serpinniń edáýir báseńdeýi Shymkent jáne Nur-Sultan qalalarynda, sondaı-aq Aqmola oblysynda baıqalady.
«Shymkent qalasyndaǵy ınvestısııalardyń eleýli qysqarýy negizinen munaı óndeý zaýytyn jańartýdyń aıaqtalýyna baılanysty. Investısııalardy tartý boıynsha ozyq serpindi Qyzylorda oblysy 2,3 esege ósýmen kórsetýde», dedi mınıstr.
Budan soń, ol Nur-Sultan jáne Shymkent qalalarynda azyq-túlik taýarlaryna baǵanyń joǵary ósýi baıqalatynyn aıtty.
«5 óńir birden birneshe kórsetkish boıynsha jaqsy serpin kórsetti. Bul Atyraý, Shyǵys Qazaqstan, Qostanaı, Qyzylorda jáne Pavlodar oblystary. Mysaly, Atyraý oblysynda ónerkásip boıynsha onyń ishinde óńdeý jáne ken óndirý, turǵyn úılerdi paıdalanýǵa berý, ınvestısııalar jáne qurylys boıynsha eleýli ósý baıqalady», dedi Ulttyq ekonomıka mınıstri.
Onyń aıtýynsha, bıylǵy jyldyń birinshi toqsanynyń qorytyndylary boıynsha birqatar kórsetkishterde jaqsarý baıqalady.
«Birinshiden, naqtylanǵan bıýdjetti qarjylandyrý ashylýda. Bul tutynýshylyq jáne ınvestısııalyq suranysty kúsheıtedi. Ekinshiden, qurylys, ınvestısııalyq jumystar, sondaı-aq Agro ónerkásip kesheni salasyndaǵy jumystar kezeńi ashylýda. Úshinshiden, ekinshi toqsanda dástúrli túrde shaǵyn jáne orta bıznes jandanady. Sondyqtan osy kezeńde ekonomıkaǵa jańa aqshany jyldam berýdi uıymdastyrý, memlekettik baǵdarlamalardy qarjylandyrýdy jedeldetý mańyzdy», dedi R.Dálenov.
