Jalpy ınvestısııalyq quny – 300 myń AQSh dollary. Munda táýligine 6 túrli 2 000 dana aıaq kıim shyǵarylady. Jumys istep kele jatqanyna 3 aı bolǵan «Ulyqbek» jeke kásipkerliginiń ıesi Ulyqbek Ábdiramanov sehty ashý isinde memlekettik qoldaý tapqan.
«Men buǵan deıin shamamen 10 jyldaı aıaq kıim satýmen aınalysyp keldim. Sol kezde jeke seh ashyp alsam degen oı keldi. Búginde sonyń sáti túsip jańadan is bastap otyrmyz. Jyldyń mezgiline baılanysty aıaqkıimniń birneshe túrin óndiriledi. О́nimge degen suranys joǵary. Jergilikti ákimdik jáne kásipkerlik bólimine rızashylyǵymdy bildirgim keledi. Osy jobany júzege asýyna qoldaý kórsetip, qajetti jer bólip berdi», – dedi mekeme basshysy.
Sehta 20 adam turaqty jumysqa ornalasqan. Qajetti shıkizat Qytaı, О́zbekstan elderinen tasymaldanady. Daıyn ónim elimizdiń barlyq óńirlerine jóneltilýde. Kásipkerdiń endigi jospary memleket tarapynan kórsetiletin kómekti paıdalanyp, kásiptiń órisin keńeıtý.
