Aımaqtar • 16 Sáýir, 2019

Baqyt Sultanov: Qaýipsiz bilim berý ortasyn qalyptastyrý – bizdiń basty mindetimiz

776 retkórsetildi

«Balaǵa qaýipsiz qala» bilim berý basqarmasynyń keńesinde mekteptegi, kóshedegi jáne áleýmettik jelilerdegi balalardyń qaýipsizdigi máseleleri talqylandy dep habarlaıdy qala ákimdiginiń resmı saıty.

Baqyt Sultanov: «2020 jylǵa qaraı biz barlyq áleýmettik nysandardy qaýipsizdik júıelerimen qamtýdy josparlap otyrmyz» «Balaǵa qaýipsiz qala» bilim basqarmasynyń alqa otyrysynda mektepte, úıde, kóshede jáne áleýmettik jelilerde balalardyń qaýipsizdigi máselesi talqylandy,  dep habarlaıdy qala ákimdiginiń resmı saıty. №68 mektepte qala ákimi Baqyt Sultanovtyń tóraǵalyǵymen keńes ótti. 

«Biz qalany 2020 jylǵa deıin damytý baǵdarlamasyn qabyldadyq. Onyń negizgi baǵyttarynyń biri – qala turǵyndaryna qolaıly jaǵdaılar jasaý jáne azamattarymyzdyń qaýipsizdigin qamtamasyz etý. Birinshi kezekte qalanyń áleýmettik nysandaryndaǵy qaýipsizdikti qamtamasyz etý kerek», – dedi Baqyt Sultanov. 

Ákimniń aıtýynsha balalardy oqý oryndaryna qaýipsiz jetkizýdi qamtamasyz etý qala bıliginiń erekshe baqylaýynda. 

«Adamdar tańerteń balabaqshaǵa, mektepke balalaryn aparǵan kezde joldarda qıyndyqtar týyndap jatady. Osynyń saldarynan balalardyń, muǵalimderdiń jáne ata-analardyń sol kúni zaıaǵa ketedi dep aıtýǵa bolady. Sol sebepti biz barlyq mektepterdi qaýipsiz avtoturaqtarmen, nysanǵa kiretin joldarmen qamtamasyz etý maqsatynda, olardy aralap shyqtyq»,  – dedi B. Sultanov. 

Qalalyq bilim basqarmasynyń basshysy Ánýar Janǵozın qatysýshylarǵa kámeletke tolmaǵandardyń bos ýaqytyn tıimdi uıymdastyrý arqyly jasóspirimder arasyndaǵy quqyq buzýshylyqtardyń aldyn alý týraly aıtyp berdi. 

«Biz bilim berý prosesin múmkindiginshe qyzyqty etip uıymdastyryp, balalar bos ýaqytynda ispen aınalysýyn qalaımyz. Atap aıtqanda, oqýshylardy jobalyq jumystarǵa qatystyramyz. Osyndaı jumystyń nátıjesinde bos ýaqytty durys uıymdastyrý jasóspirimder arasyndaǵy quqyq buzýshylyqty azaıtatyndyǵyn kórip otyrmyz», – dedi Ánýar Janǵozın. 

Basqarma basshysynyń aıtýyna qaraǵanda, 2019 jyldyń basynan elordada mektep pen kolledj oqýshylary jasaıtyn quqyqbuzýshylyqtardyń sany ótken jyldyń sáıkes kezeńimen salystyrǵanda 43% tómendegen. 

«Mektepter men kolledjderdiń jalpy kontıngentiniń bıyl 17%-ǵa óskenin eskerý kerek. Buny úlken jetistik dep aıtýǵa bolady», – dedi Á. Jangozın. 

Alqa otyrysynda ınklıýzıvtik bilim berýdi damytýǵa erekshe kóńil bólindi. Búgin elordalyq balalardyń 80% arnaıy bilimmen qamtylǵan. Olardyń barlyǵy kepildendirilgen kómek alady. Jańa oqý jylynda elordanyń bilim basqarmasy bul kórsetkishti 100% jetkizýdi josparlap otyr. Dálirek aıtqanda, bul – 8 myńǵa jýyq bala. 

Tárbıe jumysyna da asa mán berildi. Atap aıtqanda, bilim berý uıymdarynyń qalalyq jáne ata-analar qaýymdastyǵymen yntymaqtastyq máseleleri qaraldy. Ata-analardyń monıtorıng toby, adaldyq dúkenderi, salaýatty ómir saltyna qatysty is-sharalardy ótkizý jáne basqa da ózekti máseleler kóterildi. 

«Balaǵa qaýipsiz qala» bilim basqarmasynyń alqa jınalysyna Qazaqstan Respýblıkasy Parlamenti Senatynyń depýtattary, Qazaqstan Respýblıkasyndaǵy balalardyń quqyqtaryn qorǵaý jónindegi komıssar Sáýle Aıtpaeva, Qazaqstan Respýblıkasynyń Bilim jáne ǵylym mınıstri Kúlásh Shámshıdınova, máslıhat depýtattary, úkimettik emes uıymdardyń, ata-analar men qalalyq qaýymdastyqtardyń ókilderi, bilim berý uıymdarynyń basshylary jáne mektep oqýshylary qatysty.

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar