Qalalyq qoǵamdyq densaýlyq saqtaý basqarmasy Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigimen birlesip, medısınalyq uıymdarda medısınalyq kitapshalardy berýdiń túpnusqalyǵyn tekserýge múmkindik beretin jańa aqparattyq qyzmetti usyndy.
Endi jumys berýshi Smart Astana mobıldik qosymshasy arqyly medısına kitapshasyn shynymen medısınalyq mekemeniń ózi bergenin-bermeginin óz betinshe teksere alady. Árbir shyǵarylǵan medısınalyq kitapsha medısına aqparat júıesinde tirkeledi. Qyzmetkerdiń JSN terý arqyly siz qaıda, qaı kezde jáne medısınalyq kitapshanyń qashan berilgenin bile alasyz », – dedi qoǵamdyq densaýlyq saqtaý basqarmasy bastyǵynyń mindetin atqarýshy Álııa Rústemova.
Jyl basynda elordada aýrýhana paraqtary men 083, 086, 094, 095
formaly anyqtamalarǵa QR-kod engizilgen bolatyn. Endi jumys berýshi klınıkaǵa osy
qujattardyń túpnusqalyǵyn anyqtap berý úshin ótinish jasamaıtyn boldy. Buny Smart
Astana qosymshasynda smartfonmen QR kodty skanerleý arqyly qysqa ýaqyt ishinde
jasaýǵa bolady.
Bul qyzmetter respýblıkada alǵash ret astanada qolǵa alyndy. Ol
densaýlyq saqtaý baǵdarlamasyn sıfrlandyrý jáne «Astana – adaldyq alańy»
sybaılas jemqorlyqqa qarsy jobanyń bóligi retinde iske asty.
Biz sybaılas jemqorlyqqa qaýip tóndiretin barlyq salalarǵa taldaý jasadyq: bilim berý, densaýlyq saqtaý jáne áleýmettik qorǵaý. Atap aıtqanda, biz jarnamalyq saıttardy zerdeledik, onda kóbinese sertıfıkattar, sanıtarlyq kitapshalar, aýrýlar anyqtamasyn satý týraly habarlandyrýlar kóp kezdesti. Materıaldar bizdiń agenttigimizdiń quqyq qorǵaý bólimine berildi. О́tken jyldyń tamyz aıynda qalada jalǵan medısınalyq kýálikter men basqa da medısınalyq qujattar shyǵarýmen aınalysqan top ustaldy. 80 jalǵan mór, jalǵan flıýorografııalar tabyldy. Bizdiń esepteýlerimiz boıynsha, osy toptyń is-áreketteriniń nátıjesinde klınıkalar keminde 25 mıllıon teńgeni joǵaltty. Budan basqa, medısınalyq tekserýden ótpegen, biraq balalarmen qoǵamdyq tamaqtandyrý salasynda jumys isteıtin adamdar basqa adamdardyń densaýlyǵy men qaýipsizdigine qaýip tóndiredi», – dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń memlekettik qyzmet bóliminiń basshysy Jazıra Jylqyshıeva.
Álııa Rústemovanyń aıtýynsha, medısınalyq anyqtamalardy tekserý qyzmeti qazirdiń ózinde qalanyń barlyq aýmaǵynda jumys isteıdi, ıaǵnı kez-kelgen medısınalyq uıymda zańdy túrde berilgen medısınalyq kitapsha nemese anyqtama aqparattyq júıede tirkelgen.
Osyndaı qyzmet túri úshin lısenzııa alǵan memlekettik medısınalyq uıymdar men memlekettik emes uıymdar medısınalyq kitapshalar shyǵarýǵa quqyly. Medısınalyq kitapshalardy, sondaı-aq 083 jáne 086 anyqtamalardy tirkeý tegin medısınalyq kómektiń kepildik túrine jatpaıdy. Bul qyzmetter baǵa tizimine sáıkes tólenedi. Memlekettik medısınalyq uıymdardyń barlyǵynda bir baǵa kórsetilgen.
