Azamattar aryz-shaǵymy eskerýsiz qalmaıdy

Seısenbi, 26 maýsym 2012 7:22

Qazaqstan Respýblıkasynyń Úkimeti eli­mizdiń prokýratýra, basqa da quqyq qorǵaý organdarymen birlese otyryp, azamattardyń aryz-shaǵymdaryn qaraý isin jaqsartýǵa baǵyttalǵan kóptegen jumystardy júzege asyrýda. Elimizdegi kásipkerlik qozǵalystyń damýyna, azamattyq quqyqty qorǵaý men ákimshilik reformasyn iske asyrýda bul istiń de tıgizetin paıdasy az emes.

Seısenbi, 26 maýsym 2012 7:22

Qazaqstan Respýblıkasynyń Úkimeti eli­mizdiń prokýratýra, basqa da quqyq qorǵaý organdarymen birlese otyryp, azamattardyń aryz-shaǵymdaryn qaraý isin jaqsartýǵa baǵyttalǵan kóptegen jumystardy júzege asyrýda. Elimizdegi kásipkerlik qozǵalystyń damýyna, azamattyq quqyqty qorǵaý men ákimshilik reformasyn iske asyrýda bul istiń de tıgizetin paıdasy az emes.

Qazaqstan Respýblıkasy Konstıtýsııa­sy­nyń 33-babyna sáıkes respýblıka azamattary ózderi tikeleı nemese tıisti ókilderi ar­qyly memleketti basqarý isine qatysýǵa, son­daı-aq memlekettik jáne jergilikti ózin-ózi basqarý organdaryna aryz-shaǵymdarmen jáne basqa da ótinishtermen habarlasýǵa quqyly.

«Jeke jáne zańdy tulǵalardyń ótinishte­rin qaraýdyń tártibi týraly» Zań talaptaryna sáıkes olardyń aryz-shaǵymdary jáne óti­nish­teri mindetti túrde qabyldaýǵa, tir­keý­ge, esep­ke alynýǵa jáne qaraýǵa jatady. Bul jumys­tar­dyń oıdaǵydaı uıymdastyry­lýy­na memleket­tik uıym basshysy jáne osy iske belgilengen qyzmetker tikeleı jaýapty bolyp tabylady.

Aryz-shaǵymdardy tolyqtaı esepke alyp jáne olardyń oryndalýyn qadaǵalaý maqsa­tyn­da Qazaqstan Respýblıkasy Bas prokýra­týrasynyń Quqyqtyq statıstıka jáne arnaýly esep komıteti «Tulǵalar ótinishiniń bir­yńǵaı esebi» avtomattandyrylǵan aqparat­tyq júıesin ázirlep, ony barlyq memlekettik mekemelerge engizdi.

Alaıd­a, Saryarqa aýdanyndaǵy memleket­tik mekemelerdi tekserý barysynda anyqtal­ǵan kóptegen kemshilikter jeke jáne zańdy tul­ǵalardyń ótinishterin esepke alý bóli­gin­de memlekettik statıstıkalyq eseptilikte burma­laý faktileriniń paıda bolatyndyǵyn kórsetip otyr.

Joǵarydaǵy atalǵan zań talabyna sáıkes kelip túsken árbir ótinish nemese aryz-shaǵym osyǵan arnalǵan jýrnalǵa tirkelip, oǵan «Tulǵalar ótinishiniń biryńǵaı esebi» avto­mat­tandyrylǵan aqparattyq júıesiniń esep-kartochkasy qoıylýy kerek. Sonymen qatar, ótinish berýshige onyń ótinishiniń qabyl­dan­ǵany týraly nómiri, qabyldanǵan ýaqyty jáne qabyl­da­ǵan tulǵanyń aty-jóni kórse­til­gen talon tapsyrylady. Eger mundaı bol­maǵan jaǵdaı­da aryz-shaǵymdardy esepke alý talaptary burmalanyp, osydan baryp olar­dyń oryndalýyn baqylaý jumystary da bosańsýy múmkin.

Sondyqtan memlekettik organǵa kelip óz ótinishin tapsyrýshy árbir adam óziniń kons­tıtýsııalyq quqyn bilýi tıis. Joǵaryda­ǵy­daı tártip sharalary oryndalmaǵan jaǵdaıda olar tıisti mekemeniń basshysyna nemese onyń orynbasaryna kirip, shaǵym jasaı alady. Ol úshin mekeme basshylarynyń azamattardy qabyldaý kestesi adamdardyń kózi túsetin kórnekti jerde ilinip turýy qajet. Sondaı-aq Astana qalasyndaǵy Saryarqa aýdanynyń turǵyndary ózderiniń ótinishteri durys qabyldanbady dep eseptegen jaǵdaıda zańdy quqyn paıdalaný jóninde keńes alý úshin Astana qalasyndaǵy 44-63-88 telefonyna habarlasa alady.

Aıdar JANǴUTTINOV,

Saryarqa aýdany prokýrorynyń kómekshisi, 2-shi synypty zańger.

Astana.