«Halyqaralyq bahshy (jyrshy) óneriniń festıvali» bıyl birinshi ret О́zbekstan Respýblıkasynyń Termez qalasynda ótti. Onyń ashylý saltanatyna О́zbekstan Prezıdenti Shavkat Mırzııoev qatysty.
Festıval aıasynda, sondaı-aq ulttyq taǵamdardyń, qolóner buıymdarynyń, halyqtyń salt-dástúrine qatysty jádigerlerdiń jármeńkesi uıymdastyryldy. Bes kúnge sozylǵan sharaǵa Qazaqstan, Koreıa, Mońǵolııa, Malaızııa, Majarstan, Serbııa, Bashqurtstan, Túrikmenstan, Túrkııa, Ázerbaıjan, Bolgarııa, Qyrǵyzstan syndy 74 memleketten 160-tan astam ónerpaz qatysty.
Qazaqstannyń atynan óner dodasyna Syr boıyndaǵy jyraýlyq mekteptiń úlken ókili, belgili Bıdas Rústembekovtiń shákirti, jyrshy Uljan Baıbosynova qatysty. Dodanyń qorytyndysy boıynsha ol bas júldeni utyp alyp, ónerimizdiń abyroıyn asqaqtatty.
Uljan Baıbosynova - Yqylas atyndaǵy halyq mýzykalyq aspaptar mýzeıiniń dırektory, Qurmanǵazy atyndaǵy Qazaq ulttyq konservatorııasynyń aǵa oqytýshysy, «Fransııa ádebıeti men óneriniń kavaleri» ordeniniń ıegeri, Qazaqstannyń eńbek sińirgen qaıratkeri.
