Aımaqtar • 16 Sáýir, 2019

Almatyda ataqty jylqyshyǵa eskertkish taqta ornatyldy

880 retkórsetildi

Almaty shaharynda «Rýhanı jańǵyrý» memlekettik baǵdarlamasynyń aıasynda kezekti bir aıryqsha mádenı shara ótti. Buhar Jyraý men Ǵabıt Músirepov kósheleriniń qıylysyndaǵy kóp qabatty №16 úıdiń qabyrǵasyna Sosıalıstik Eńbek Eri, qoǵam qaıratkeri Nádir Jaqııauly Bıǵazıevke arnalǵan eskertkish taqta ornatyldy.

Sáýirdiń sirkiregen jańbyry astynda tabıǵat minezin tipten de tosyrqamaǵan qaýym jasalǵan bul qurmetke rızashylyqpen qol soqty. Sonymen Nádir Bıǵazıev kim?

Oǵan ıgilikti sharany ashyp turǵyndardan súıinshi suraǵan Almaty qalasy ákiminiń keńesshisi Mamaı Ahettiń sóılegen sózinen jaýap izdep kóreıik. «Ǵylym men mádenıettiń, ónerdiń ortasyna aınalǵan arý  Almatymyzda halqymyzǵa eńbegi sińgen nebir tulǵalardyń esimderi qurmetpen atalyp turatyn ıgi dástúr bar, – dedi belgili ǵalym-keńesshi. –Búgingi saltanattyń bir ereksheligi sol – aýylda ósip, aýyl sharýashylyǵyn órkendetip, aýyldyń jaıyn kúıttegen arda azmatymyzǵa sol kezdegi astanamyz Almatydan nelikten sonshama qurmet kórsetildi eken deısiz? Shyntýaıtynda naǵyz eńbek maıtalmandaryna keshe de, búginde de laıyqty kóńil bólinip ilıpat kórsetilgen, kórsetilip keledi de. Endeshe, kil óner men mádenıettiń, ǵylymnyń marqasqalary qatarynra ol kezdegi astanamyz Almatydan sol kezde aýyl adamyna úsh bólmeli úıdiń tegin berilýi tekten tek emes, uly eńbektiń óteýi dep uǵynýmyz kerek.

Quryǵy qutty jylqyshynyń uly, aýyl sharýashylyǵy ǵylymdarynyń doktory Nurǵalı Bıǵazıev qala ákimi keńesshisiniń salıqaly sózin bylaı sabaqtastyrdy.

– 80-shi jyldardyń basynda el aralaýǵa shyqqan Qazaqstan basshysy Dinmuhamed Qonaev ataqty «Lýgovoı» asyl tuqymdy jylqy zaýytyna at basyn irkedi. Aýyl eńbekshilerimen jyly shyraıly kezdesý barysynda Dımekeń ákemizdiń eńbek kórsetkishine qatty súısinip bas shaıqaǵany bar eken. Sonda, «Aınalaıyn Nádir, órkeniń óssin mańdaı teriń aqtalsyn, óziń turmasań da ósip kele jatqan shıetteı bala-shaǵań bar eken, kádeńe jaratarsyń,» – dep Esentaı ózeniniń jaǵasynan osy úsh bólmeli úıdi tuppa-týra syıǵa tartqan. Aǵaıyndy on balanyń deni osy úıde óstik-óndik. Igi iske tikeleı qoldaý kórsetip, qamqor bolǵan qala basshylyǵyna myń da bir rahmet. Búgin, mine, ákemizdiń rýhy, el qamyn jegen abyz aǵalarymyzdyń qurmeti úshin jasalynyp jatqan úlken tarıhı oqıǵaǵa barshańyz kýá boldyńyzdar.

–Elimiz etek-jeńin jınap, Táýelsizdik týyn kótergen tusta Nádir  aǵamyz bılik oryndaryna ótinish jasap aýlymyzda alǵashqy meshitke oryn taýyp, onyń alǵashqy tasyn óz qolymen qalap edi, – dedi Kókdene aýlynyń ımamy Qaırat qajy. Aýylda da, astanada da aıshyqty izi saırap qalǵan Sosıalıstik Eńbek Eriniń, KSRO Kompartııasy HHÚI seziniń  delegaty dańqty jylqyshynyń el ıgiligi úshin etken eren eńbegi týraly saltanat barysynda Qazaqstan Respýblıkasynyń Mádenıet qaıratkeri Qydyraly Qoıtaı, QR ishki ister salasynyń ardageri, polkovnık Satymbek Ryspaev jáne basqa da azamattar qyzyqty estelik-oılaryn ortaǵa saldy. Belgili aıtys aqyny Serik Qalı jyrdan shýmaq shashty.

Tarıhqa baı myńjyldyq jasy bar Almatynyń muraǵaty búgin taǵy bir aıtarlyqtaı qundy derekpen, qujatpen, oqıǵamen tolyqty.


Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar