2018 jyly elimizde tabıǵat qorǵaý zańnamasyn buzǵan 8840 ákimshilik quqyq buzýshylyq faktisi tirkeldi. 180 brakonerlik fakty tirkelip, onyń 78 faktisi kıik ańy boıynsha, al 102 faktisi basqa janýarlardyń túri. 2019 jyldyń I toqsanynda 1740 buzýshylyq anyqtaldy.
«Ohotzooprom» О́B» RMQK-nyń bas dırektorynyń orynbasary Tansyqbaev Jannattyń aqparaty boıynsha elimizde kıik ańyna qatysty brakonerlik faktileri toqtamaýda.
Atap ótsek, 2019 jylǵy 10 naýryzda Aqtóbe oblysy Yrǵyz-Torǵaı memlekettik tabıǵı rezervatynyń aýmaǵynda 40 kıiktiń atylǵan týshasy tabylyp, atalmysh fakty boıynsha ishki ister organdarymen qylmystyq is qolǵaldy.
«Dál osyndaı jaǵdaı 2019 jylǵy 17-21 naýryz aralyǵynda Qorǵaljyn memlekettik tabıǵı qoryǵynyń aýmaǵynda oryn alyp, 108 atylǵan kıiktiń týshasy tabyldy. Kúdiktilerdi izdeý jumystary kezinde 6 adam quryqtalyp, onyń 2-i «Ohotzooprom» О́B» RMQK-nyń ınspektorlary bolyp shyqty. Osy fakty boıynsha qylmystyq is qozǵalyp, Aqmola oblystyq orman sharýashylyǵy jáne janýarlar dúnıesi aýmaqtyń ınspeksııasymen qyzmettik tekseris jumystary júrgizildi», - dep habarlady Qorǵaljyn qoryǵynyń dırektory A. Seksenbıev.
Brıfıng barysynda kıik ańyn qorǵaý jumystaryn kúsheıtý maqsatynda Aqmola, Qaraǵandy, Aqtóbe jáne Batys Qazaqstan oblystaryndaǵy kıik ańynyń qoljetimsiz arealyna Orman sharýashylyǵy jáne janýarlar dúnıesi komıteti tarapynan aýmaqtyq ınspeksııa mamandary jiberildi.
«1 sáýirden bastap Atyraý, Mańǵystaý jáne Batys Qazaqstan oblystarynda «Bekire – 2019» balyq qorǵaý aksııasy bastaldy. Aksııa bastalǵannan beri 250 tabıǵat qorǵaý zańnamasyn buzýshylyǵy anyqtaldy, onyń ishinde Atyraý oblysynyń aýmaǵynda - 173, Mańǵystaý oblysynda – 68, BQO-da 9. Jalpy ákimshilik jaýapkershilikke 191 adam tartyldy, 13 qylmystyq jazalanatyn is-áreket belgileri tirkeldi jáne 2,3 mln. teńge ákimshilik aıyppul salyndy. Sonymen qatar, buzýshylardan 8 tonna 715 kg balyq, onyń ishinde 536 kg bekire tuqymdas balyq, 3,2 kg ýyldyryq alyndy» - dep atap ótti, Komıtettiń ókili Q. Iskalıev.
