Tıimdi basqarý kepili – qaýipsizdik pen turaqtylyq

Beısenbi, 28 maýsym 2012 7:17

Keshe Ekonomıkalyq qylmysqa jáne sybaılas jemqorlyqqa qarsy kúres (Qarjy polısııasy) agenttiginde Astana qalasyndaǵy Eýropadaǵy qaýipsizdik jáne yntymaqtastyq uıymymen (EQYU) birlesken syndarly shara uıymdastyryldy. Bul EQYU-nyń 20-shy ekonomıkalyq-ekologııalyq forýmyna daıyndyq aıasyndaǵy «Tıimdi basqarý arqyly qaýipsizdik pen turaqtylyqty baıandy etý» atty kezdesý dep ataldy.

Beısenbi, 28 maýsym 2012 7:17

Keshe Ekonomıkalyq qylmysqa jáne sybaılas jemqorlyqqa qarsy kúres (Qarjy polısııasy) agenttiginde Astana qalasyndaǵy Eýropadaǵy qaýipsizdik jáne yntymaqtastyq uıymymen (EQYU) birlesken syndarly shara uıymdastyryldy. Bul EQYU-nyń 20-shy ekonomıkalyq-ekologııalyq forýmyna daıyndyq aıasyndaǵy «Tıimdi basqarý arqyly qaýipsizdik pen turaqtylyqty baıandy etý» atty kezdesý dep ataldy.

Kezdesýge Qarjy polısııasy agenttiginiń basshylyǵy men jeke quramy, Syrtqy ister mınıstrliginiń syrtqy saıası taldaý jáne boljamdaý komıte­tiniń tóraǵasy S. Ábdikárimov, Astanadaǵy EQYU ortalyǵy­nyń basshysy Natalıa Zarýdna, QR memlekettik organdarynyń, úkimettik emes jáne halyq­ara­lyq uıymdardyń ókilderi qa­tysty.

Is-sharanyń maqsaty – Qa­zaq­standa memlekettik basqarý aıasynda sybaılas jemqor­lyq­qa qarsy kúres, zańsyz jolmen alynǵan kiristerdi zańdas­ty­rýǵa (jylystatýǵa) jáne ter­rorızmdi qarjylandyrýǵa qar­sy is-qımyl máseleleri boıynsha ulttyq salaly memlekettik vedomstvolardyń, qarjy ıns­tı­týttarynyń, ǵylymı mekeme­lerdiń, jekemenshik sektordyń, úkimettik emes jáne halyq­ara­lyq uıymdardyń kúshin birik­tirý jáne yntymaqtastyqtyń deńgeıin kóterý bolyp tabylady.

Kezdesý barysynda EQYU- nyń Astanalyq deklarasııasynda jáne EQYU-nyń 20-shy ekono­mı­kalyq-ekologııalyq forýmda belgilengen mindetter men basymdy máselelerge sholý jasaldy. Sybaılas jemqor­lyq­qa qarsy is-qımyl jáne zańsyz jolmen alynǵan ki­risterdi zań­dastyrý (jylystatý) jáne ter­rorızmdi qarjy­landyrýǵa qar­sy kúres aıasynda ulttyq zańna­manyń halyq­ara­lyq standart­tarǵa sáıkestigine taldaý júr­gizildi. Sondaı-aq zańsyz jolmen alynǵan kiris­terdi zań­dastyrý (jylystatý) jáne ter­rorızmdi qarjylandy­rýdy anyq­­taý, qylmystyń aldyn alý men jolyn kesý barysynda ulttyq áleýetti kúsheıtý, mem­lekettik sektorda ádildik pen etıkalyq minez-qulyqty arttyryp, memlekettik aqsha qara­jattaryn jáne bıýdjetti maq­satty jumsaýǵa nazar aýdarý qajettigi aıtyldy. Sybaılas jemqorlyqqa qarsy turý jáne zańsyz jolmen alynǵan kiris­terdi zańdastyrý (jylystatý), terrorızmdi qarjylan­dyrýǵa qarsy is-qımyldyń ja­ńa tıimdi ádisterin qalyp­tas­tyrý isinde azamattyq qoǵam, akademııalyq jáne iskerlik top­tardyń sheshý­shi rólin arttyrý qaraldy.

Atalǵan kezdesýde Qazaq­stan Respýblıkasynyń memle­kettik organdary, «Ar.Rýh.Haq», «Trans­­­­­­perensı Kazahstan», «Sandj» zertteý orta­ly­ǵy sı­ıaqty jáne t.b. qo­ǵamdyq uıym­dardyń, bıznes ókilderi­niń, halyqaralyq uıymdardyń já­ne dıplomatııa­lyq ókildik­terdiń (QR Eýro­palyq keńestiń delegasııasy, QR BUU ókilderi, Nıderlandy QR elshiligi, Or­talyq Azııadaǵy IýSAID (AQSh halyqaralyq damý jó­nindegi agenttigi) aýmaqtyq mıssııasy­nyń ókili, Qazaqstan Res­pýb­lı­kasyndaǵy Dúnıe­jú­zi­lik bank ókili, QR AQSh el­shiligi) qa­tysty.

Kezdesýdi ótkizýdiń nátıje­sinde ulttyq deńgeıdegi sybaılas jemqorlyqqa qarsy is-qı­myl jáne zańsyz jolmen alyn­ǵan kiristerdi zańdastyrý (jylystatý), terrorızmdi qarjy­lan­dyrýǵa qarsy is-qımyl salasynda zańnamalyq jáne prak­tıkalyq qyzmettiń tıimdi­ligin arttyrý boıynsha usy­nystar men usynymdar ázirleý qaraldy. Bular aǵymdaǵy jyl­ǵy qyrkúıekte Praga qalasyn­da EQYU-nyń joǵary deńgeı­degi kezdesýinde qazaqstandyq delegasııa usyna alatyn usy­nystar daıyndaýǵa kómegin tı­gizedi dep kútilýde.

Aleksandr TASBOLATOV,

«Egemen Qazaqstan».