Tashkentke barǵan tarıh

Kórmege Ulttyq mýzeı qorynan barlyǵy 127 já­di­ger tańdalyp alynsa, onyń deni elimizdiń ejelgi já­ne or­taǵasyrlyq tarıhı jaý­har­lary. Sondaı-aq sórege «Uly dalanyń jeti qyrynda» atap kórsetilgen árbir sala boıynsha qundy jádigerler de qoıyldy. Sonymen qa­tar kórme tórinen Batys Qazaq­stan oblysy jerinen tabylǵan «Taqsaı», Qaraǵandy obly­synyń «Taldy-2», Shy­ǵys Qazaqstan oblysynyń «Be­­­rel» qorymdarynan ta­byl­­­ǵan arheologııalyq bire­geı ol­jalar da kórsetildi.

Sharanyń ashylý saltana­tyna О́zbekstandaǵy Qazaq­stannyń Tótenshe já­ne óki­letti elshisi Darhan Sa­ty­bal­dy, О́zbekstan eliniń Mádenıet vıse-mınıstri Kamol Akılova, Ulttyq mýzeı dırektory Almaz Nurazhan, О́zbekstan Memlekettik óner mýzeıiniń dırektory Vasıla Faızıeva jáne basqalar t.b. qatysty.

Alǵashqy bolyp sóz sóı­­legen Qazaqstan elshisi Dar­han Satybaldy mundaǵy bas­ty eksponat «Altyn adam» Uly dala mádenıetiniń óshpes murasy ekenine toqtalyp, atalmysh jádiger buǵan deıin Ońtústik Koreıa, Polsha, Re­seı, Belarýs, Qytaı qa­tar­ly mem­­leketterde bolyp, álem mýzeılerine sherý tartqanyn aıtty.

Osylaı sátimen bastalǵan eki el aralyq rýhanı dostas­tyq baılanystyń mańyzyna toq­talyp ótken Ulttyq mýzeı dı­rektory Almaz Nurazhan, ózderin ystyq yqylaspen qa­byldaǵan áriptesterine, sondaı-aq qaq tórinen oryn bergen О́zbekstan Memlekettik óner mýzeıiniń ujymyna alǵys bildirdi.