О́ıtkeni Qasym-Jomart Kemeluly birinshiden, elimizdiń Konstıtýsııasy men «Qazaqstan Respýblıkasyndaǵy saılaý týraly» Zańyn jáne halyqaralyq demokratııalyq úrdister tájirıbelerin basshylyqqa alyp otyr. Ekinshiden, elimizdegi yntymaq pen birliktiń, beıbit kúnniń, ekonomıkalyq damýdyń irgesi sógilmeı, Tuńǵysh Prezıdentimiz salyp bergen sara joldan taımaı alǵa jyljý úshin halyqtyń ózi saılap, qolyna mandatyn ustatatyn Prezıdent kerek. Muny barlyǵy da túsinedi.
Qazir Qazaqstandaǵy saıası ózgeristerdi dúnıe júzi qadaǵalap otyr. Bizdiń táýelsiz elimiz demokratııalyq ustanymdary jóninen halyqaralyq uıymdardan da, ozyq damyǵan elder tarapynan da jaqsy pikir men qoldaý taýyp keledi. Degenmen, búgin álemde tynysh zaman bolyp tur dep aıta almaımyz, halyqaralyq saıası jaǵdaı kúrdeli. Sondyqtan halyqtyń qoldaýymen bolashaq Prezıdentimizdi saılap alsaq, arqamyzdy berik qabyrǵaǵa súıegendeı bolamyz, Qazaqstan ekonomıkalyq jáne saıası damýda, halyqaralyq saıası arenada da aıaǵyn nyq basady.
Men elimiz táýelsizdik alǵan jyldardan bastap kásipkerlikpen aınalysyp kelemin. Sonda túıgenim – kásipkerlik, bıznes saıası turaqty, aýyzbirligi bar elde damıdy. Qazir mundaı elderdi ınvestorlar da qoldaıdy, tipti izdeıdi. О́ıtkeni saıası turaqsyz elde birlik joq, birlik bolmaǵan jerde bereke bolmaıdy. Eger elimizde saıası turaqtylyq bolmasa, syrttan tartylǵan nemese ishki múmkindiktegi ınvestısııalyq qarjynyń da ekonomıkany, bıznesti damytýǵa qaýqary bolmaı jelge shashylǵan qustyń júnindeı beı-bereket keter edi. Munyń barlyǵy da alysty kóre biletin, halqyna, memleketine adal, syrtqy ortamen de til tabysa biletin saıası bilikti Prezıdentke baılanysty. Osy ýaqytqa deıin Tuńǵysh Prezıdentimiz Nursultan Nazarbaevtyń sarabdal saıasatynyń arqasynda Qazaqstanda bıznes damydy.
Taǵy bir toqtala ketkim keletini, bizdiń basty baılyǵymyz táýelsizdik ekeni esh kúmán týdyrmaıtyny anyq. Táýelsizdikti qorǵaý, ony baıandy etý árbir Qazaqstan azamatynyń boryshy ekenin umytpaıyq. Barymyzdy baǵamdap, alǵan baǵytymyzdyń durystyǵyna senip, qol jetkizgen tabystarymyzdy baǵalaı bileıik.
Aldaǵy kezekten tys Prezıdent saılaýy nátıjeli bolsyn dep tileımin.
Almat TURSYNOV,
Qazaqstannyń Eńbek Eri
QOSTANAI
