Parlament Senatynda Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kımniń tóraǵalyq etýimen Qazaqstan Respýblıkasynyń azamattyǵyn zańnamalyq turǵydan retteý, onyń ishinde kámeletke tolmaǵandar jónindegi jekelegen máselelerdi talqylaý boıynsha otyrys boldy.
Komıtet otyrysyna Qazaqstan Respýblıkasyndaǵy Adam quqyqtary jónindegi ýákil, Prezıdent Ákimshiligi, Bas prokýratýra, ishki ister, syrtqy ister, ádilet, bilim men ǵylym mınıstrlikteriniń, sondaı-aq halyqaralyq uıymdardyń basshylyǵy men ókilderi qatysty.
Azamattyqqa ıe bolý osy tulǵaǵa zańda belgilengen barlyq quqyqtar men erkindikterdiń tolyq qamtylýynyń, memleket ishinde jáne odan tys jerlerde tulǵany qorǵaýdyń alǵysharty bolyp tabylady.
Otyrys azamattyq jáne tulǵalardy qujattaý máseleleri boıynsha qoldanystaǵy zańnamadaǵy qaıshylyqtar men kemshilikterdi anyqtaý men talqylaý maqsatynda ótken bolatyn.
Sharaǵa qatysýshylar azamattardyń, onyń ishinde kámeletke tolmaǵandardyń azamattyqty alýy jáne ony toqtatý, sondaı-aq jeke basyn kýálandyratyn qujattary joq tulǵalardy qujattaý jáne olardy tirkeý máselelerin qarady.
Komıtet azamattyq máseleleri jónindegi qoldanystaǵy zańnama boıynsha quqyq qoldaný tájirıbesine taldaý jasaý jáne monıtorıng ótkizý, sondaı-aq otyrysqa qatysýshylardyń usynystaryn eskere otyryp, osy zańnamany jetildirý máselelerin pysyqtaý qajettigi týraly qorytyndy qabyldady.
