Kóregen saıasatkerdiń kemel oıyn kópten beri tanyp-bilip kele jatsaq ta, óz qolymen qurǵan jasampaz memleketiniń erteńine qanshalyqty et júregi eljirep eleńdeıtindigin taǵy bir kórip, ámanda alysty ańdaı biletin saıası sezimtaldyǵy men kemeńgerligin aıqyn ańǵaryp otyrmyz. Tuńǵysh Prezıdentimizdiń osy bir baǵa jetkizgisiz baılamyn ýaqyt óte kele keıingi urpaq laıyqty maqtan etetindigi daýsyz.
Táýelsizdikti qalyptastyrý jyldary dostyqtyń altyn araly atanǵan Qazaqstandy meken etken sandaǵan ulttar men ulystardyń birligi sútteı uıyp, bir-birimen etene tabysyp, tonnyń ishki baýyndaı aralasa tústi. Bizge eń basty keregi, osy birlik bolatyn. Dana qazaqta «tórteý túgel bolsa, tóbedegi keledi» deıtin ataly sóz bar. Yrys ta yntymaqqa úıiriledi emes pe? Sol yntymaqtyń nátıjesinde bizdiń boıymyzdaǵy shydam men tózimdiliktiń san ret synaqqa salǵan qıyn-qystaý kezeńderden óttik. О́tip qana qoımaı, bir kezde arman bolyp kóringen asqaraly asýlarǵa bettedik. Qazaqstandyqtardyń bul tabysyn álemdik qaýymdastyq kórip, bilip, ózderiniń ádil baǵalaryn berip otyr. Biz osyndaı aýyzbirligi kúshti, yntymaǵy jarasqan elde turatynymyzdy ózimizge maqtan etemiz. Bizdiń eldegi saılaý demokratııa prınsıpterine sáıkes ashyq ta ádil ótetindigi ámbege aıan. Bul joly da san ret synaqqa túsken sara joldan synyqsúıem taımaı, tańdaýymyzdy jasaıtynymyzǵa senemin. El Prezıdenti Qasym-Jomart Toqaev ta saılaýdyń ashyq ári ádil ótetindigin aıtyp, kepildik berip otyr.
El bolashaǵyna beıjaı qaramaıtyn otandastarymyz óz tańdaýlaryn jaza baspaı jasaı biletindikterine senemin. Senim údesinen tabylýǵa árkimniń de saıası parqy, bilimi men biligi qaptal jetedi.
Saılaý der kezinde uıymdastyrylyp otyr. Onyń ózindik ereksheligi bar. Barlyǵy zańdy. Solaı bola tura, el saılaǵan Prezıdentke senim eseleı arta túspek. Endeshe, bul jolǵy saılaý jaqsylyqtyń bulaq bastaýynan jalǵasyp kele jatqan izgiliktiń izetin sátimen sabaqtaıtyn sát.
Ýmar ShONAZAROV,
«Tájik ulttyq mádenı ortalyǵy» qoǵamdyq birlestiginiń tóraǵasy
