Eki myń jyldan astam kóne Taraz shaharynyń baı tarıhy ulttyq qazyna. Mundaǵy árbir tarıhı nysannyń ózindik tarıhy men taǵdyry bar. Al kelýshilerdi árbir nysanmen erekshe tanystyrǵan ekskýrsovod Jamal Aqpan ańyzǵa aınalǵan Qarahan kesenesiniń 1906 jylǵa deıin óziniń sáýlettik kelbetin joǵaltyp kelgenin de aıtyp ótti. Ári Qarahan jáne Aısha bıbi ańyzynyń san túrli nusqalaryn da áńgimeledi. Sonymen qatar, ortaǵasyrlyq tarıhı jádigerlerge jatatyn órnekti shyraǵdandar, qysh qumyralar sııaqty birqatar dúnıeler de tanystyryldy. Budan keıin «Ejelgi Taraz eskertkishteri» tarıhı-mádenı qoryq-mýzeıiniń dırektory Nurlan Byqybaev jýrnalısterge ashyq suhbat berdi. «Qazirgi tańda «Ejelgi Taraz eskertkishteri» tarıhı-mádenı qoryq-mýzeıiniń qaraýyna aǵymdaǵy jyldyń mejesinde 30 respýblıkalyq dárejedegi tarıhı-mádenı nysandar tirkelgen. Onyń ishinde 5 tarıhı mura IýNESKO-nyń Búkilálemdik mádenı muralar tizimine alynǵan. Olar Aqyrtas, Qulan, Qostóbe, О́rnek jáne Aqtóbe-Balasaǵun qalashyqtary. Qoryq-mýzeıdiń negizgi qyzmeti – tarıhı-mádenı muralardy saqtaý, nasıhattaý, qaıta jańǵyrtý bolyp tabylady. Endigi maqsat – tarıhı nysandarymyzdy jýrnalısterdiń kózimen jańa formatta halyqqa nasıhattaý» dedi Nurlan Byqybaev.
Jambyl oblysy
