18 Sáýir, 2019

Bas partııa sezindegi áleýmettik tapsyrmalar oıdaǵydaı oryndalýda

712 retkórsetildi

Keshe úshinshi megapolıste Nur Otan partııasynyń Shymkent qalalyq fılıalynyń HIH kezekten tys konferensııasy ótti. Alqaly jıynda elimizdiń bas partııasynyń Tóraǵasy Nursultan Nazarbaev tapsyrǵan birqatar áleýmettik jobalardyń iske asyrylý barysy boıynsha esep berildi.

Konferensııada aldaǵy 23 sáýirde Nur-Sultan qalasynda ótetin «Nur Otan» partııasynyń kezekten tys XIX sezine qatysatyn 30 delegat anyqtaldy.

Esepti kezdesýde qala ákiminiń orynbasary Gúljan Qurmanbekova partııa múshelerine Elbasynyń ótken sezde bergen tapsyrmalary «Halyqqa kómek», «Qutty meken», «Baqytty otbasy» jobalarynyń megapolıste qalaı júzege asyp jatqandyǵy týraly baıandama jasady.

«Shymkent qalasynda «Nur Otan» partııasynyń «Qutty meken» jobasy aıasynda 6 513 páterli 132 kóp qabatty turǵyn úıdiń qurylysy júrgizilýde. Mamyr aıynda 540 páterli 10 turǵyn úıdiń kilti tabystalady. Munyń ishinde 177-i páter kópbalaly analarǵa beriledi. Nátıjesinde bıylǵy jyly 1368 áleýmettik jaǵynan álsiz sanattaǵy jáne jas otbasylar (342 páter) baspanaly bolady. «Baqytty otbasy» jobasy aıasynda qalamyzda aýqymdy jumystar atqarylýda. Memlekettik ataýly áleýmettik kómek boıynsha búgingi kúnge 32 559 azamatqa túsindirý jumystary júrgizilip, onyń ishinde 17 582 otbasynyń ótinishi tirkeldi. Sondaı-aq, qala turǵyndarynyń áleýmettik kartasyn jasaqtaý jumystary júrgizilýde. Búgingi kúnge deıin «e-Halyq» aqparattyq júıesine 21 081 otbasy (75 725 adam) endi», dedi óz sózinde Gúljan Qurmanbekova.

Sonymen qatar, áleýmettik salaǵa jaýapty ákim orynbasary osy jyldyń birinshi toqsanynda Shymqalada 6021 otbasyǵa áleýmettik kómek taǵaıyndalyp, 870 mln teńge tólengendigin aıtty.  Ári, Jumyspen qamtý ortalyǵynyń mamandary kúnine 3 myńnan asa azamatty qabyldap, túsindirý jumysyn kúsheıtýde halyqty jumyspen qamtý ortalyǵynyń 4 aýdanda 9 fılıal ashylǵandyǵyn tilge tıek etti.

Konferensııa barysynda eldegi óte mańyzdy saıası naýqanǵa bilim berý mekemeleri men kásipkerlik salasynyń ókilderi, zeınetkerler men densaýlyq saqtaý mekemesiniń jaýaptylary beı-jaı qaramaıtyndyqtaryn bildirdi.  Partııa ardagerleri, zeınetker Valerıı Gordıenko bul retki saılaýdyń elimiz úshin tarıhı mańyzǵa ıe ekendigine toqtalyp, árbir qazaqstandyqty saılaǵa belsene qatysýǵa shaqyrdy. Shymkent qalasy № 49 jalpy orta mektebiniń dırektory, kóp balaly ana Sáýle Ýtebaeva, Shymkent qalalyq №17 fýtboldan olımpıada rezerviniń mamandandyrylǵan balalar men jasóspirimder sport mektebiniń dırektory Ermek Dármenov, «Sálem kompanııa Qazaqstan» JShS-niń dırektory, jeke kásipker Aıatolla Azımov jaryssózge shyǵyp, partııalyq jobalardy iske asyrý boıynsha óz usynystaryn ortaǵa saldy.

«Nur Otan» partııasy fılıal tóraǵasy, shahar basshysy  Ǵabıdolla Ábdirahymov konferensııa jumysyn qorytyndylap, Bahadyr Narymbetov basqaratyn partııa aktıvine 9 maýsymdaǵy Prezıdent saılaýyna tyńǵylyqty daıyndalýdy tapsyrdy.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar