Konferensııa jumysyna Qazaqstannyń «Aq jol» Demokratııalyq partııasy» qoǵamdyq birlestigi Ortalyq apparatynyń Baqylaý-revızııalyq komıssııasynyń tóraǵasy Bolat О́tepbaev jáne Qazaqstan Respýblıkasy Parlament Májilisiniń depýtaty Berik Dúısembınov, sonymen qatar partııanyń Jambyl oblystyq fılıalynan, Taraz qalalyq jáne aýdandyq fılıalynan saılanǵan delegattary, oblystyq ishki saıasat basqarmasynyń ókilderi, úkimettik emes uıymdar basshylary men buqaralyq aqparat quraldarynyń ókilderi qatysty.
Áýeli «Aq jol» QDP Jambyl oblystyq fılıalynyń kezekten tys konferensııasynyń 5 adamnan turatyn jumysshy tóralqasy saılandy. Jumysshy tóralqasynyń quramynda biraýyzdan partııanyń Jambyl oblystyq fılıalynyń tóraǵasy Asan Qoshmambetov, Májilis depýtaty Berik Dúısembınov, Ortalyq apparattyń Baqylaý-revızııalyq komıssııasynyń tóraǵasy Bolat О́tepbaev, Jambyl oblystyq fılıaly tóraǵasynyń orynbasary Seısekúl Abdýsattarova jáne oblystyq fılıaly Keńes Bıýrosynyń múshesi Orazaly Erahynov sekildi azamattar boldy.
Konferensııa jumysynyń barysynda partııanyń kezekten tys HV sezine Jambyl oblysynan 5 delegat jáne keńesý quqyǵymen 3 partııa belsendileri saılandy. Jıyn barysynda Bolat О́tepbaev sóz alyp, partııanyń maqsaty men mindetine toqtaldy. Sonymen qatar, óz sózinde Berik Dúısembınov búgingi tańda «Aq jol» partııasy kásipkerlik máselesin kóterip kele jatqanyn aıtty. «Eń bastysy bizdi qoldaıtyn halyq bar. Al partııanyń mindeti týraly aıtar bolsam, biz kásipkerlik máselesin kóterip júrmiz. Sonymen qatar, Alash qaıratkerleriniń eńbekterin nasıhattaý men sol eńbekterdiń qundylyqtaryn kórsetý de basty maqsat. Táýelsizdigimizdi saqtap qalý jáne ony ary qaraı damytý maqsatynda aıanbaı eńbek etetin bolamyz», dedi ol.
Konferensııa barysynda Qazaqstannyń «Aq jol» Demokratııalyq partııasy Jambyl oblystyq fılıalynyń tóraǵasy Asan Qoshmambetovtyń partııa atynan aǵymdaǵy jyly 9 maýsym kúni kezekten tys prezıdenttik saılaýǵa baılanysty ótkiziletin praımerızmge qatysýyn konferensııa qatysýshylary biraýyzdan qoldaıtyndaryn jetkizdi.
Jambyl oblysy
