«Álemdik kitap naryǵynyń 20 shaqty elindegi ókilin Qazaqstan astanasy Nur-Sultan qalasynda jınaý ıdeıasy bekerden paıda bolǵan joq. О́ıtkeni Nur-Sultan qalasy - Eýrazııa qurlyǵynda ınnovasııalyq ári zııatkerlik tabystar men úzdik tehnologııalardyń enýi arqyly jyldam ósip, ǵalamat damyp kele jatqan megapolısterdiń biri», - dedi QR Ulttyq memlekettik kitap palatasynyń dırektory Asqarov Álibek Ortalyq kommýnıkasııalar qyzmetinde.
Kórme aıasynda keshendi mádenı-iskerlik baǵdarlamalar júzege asady. Atap aıtsaq, túrli tanystyrylymdar, dóńgelek ústelder, forýmdar, túrli baıqaýlar, sondaı-aq, tanymal mádenıet qaıratkerlerimen, aqyn-jazýshylarmen kezdesýler uıymdastyrylmaq.
«Bul kórme -jármeńkeniń basty maqsaty - qatysýshy elderdiń ádebı murasyn, rýhanı qazynasyn, kitaptar men ony oqý mádenıetin nasıhattaý, qatysýshy elderdiń ulttyq ádebıetimen tanysý, mádenı baılanystardy damytý, kitap naryǵy ókilderimen tikeleı tildesý arqyly qatysýshy eldermen dostyq pen yqpaldastyqty nyǵaıtý», - dedi Álibek Asylbaıuly.
Sondaı-aq, kitap kórmesine Qazaqstannyń «Almatykitap», «Atamura», «Mektep», «Qazaq ensıklopedııasy», Reseıdiń «Belyı gorod», «Rozovyı jıraf» , «Ýnıversalıst» , «Mann, Ivanov ı Ferber», «Samokat» ,«Kojanaıa mozaıka» jáne ózge de memleketterdiń jetekshi baspalary qatysady.
«Folıant» baspasynyń uıymdastyrýymen ótkizilgeli otyrǵan sharaǵa Qazaqstan Respýblıkasy Mádenıet jáne Sport mınıstrligi, Nur-Sultan qalasynyń ákimdigi, «Nur Otan» saıası menedjment Akademııasy qoldaý kórsetedi.
Kórmeniń ashylý saltanaty 24-sáýir saǵat 11.00-de «Kórme» ortalyǵynda ótedi. Sondaı-aq, atalmysh kórme 24-27 sáýir aralyǵynda kún saıyn saǵat 10.00-19.00 ótedi.
