Sondaı-aq, Túrkistan oblystyq orman sharýashylyǵy aýmaqtyq ınspeksııasynyń bólim basshysy Hamıt Jorabekov qyzǵaldaqtardy qorǵaýǵa baǵyttalǵan sharalar boıynsha toqtaldy. Al, Túrkistan oblysy polısııa departamenti jergilikti polısııa qyzmeti basqarmasynyń tabıǵatty qorǵaý tobynyń aǵa ınspektory Nurlan Tumanbaev qyzyl kitapqa engen «Greıg» jáne «Koýfman» qyzǵaldaǵyn julýshylar jaýapqa tartylatyndyǵyn jetkizdi.
«QR qyzyl kitabyna engizilgennen keıin «Greıg» jáne «Koýfman» qyzǵaldaǵyn zańsyz julý QR qylmystyq kodeksiniń 339 babynda kózdelgen qylmystyq jaýapkershilikpen qaralady. Quqyqbuzýshynyń áreketi dáledengen jaǵdaıda oǵan sot sheshimimen 3 myń aılyq eseptik kórsetkishpen aıyppul salý nemese bas bostandyǵynan aıyrý jazasyna alyp kelip soqtyrýy múmkin. Jyl basynan oblys turǵyndary zańsyz julǵan 57 dana qyzǵaldaq tárkilendi», – dedi Túrkistan oblysy polısııa departamenti jergilikti polısııa qyzmeti basqarmasynyń tabıǵatty qorǵaý tobynyń aǵa ınspektory N. Tumanbaev.
Sondaı-aq, Syrdarııa – Túrkistan Memlekettik óńirlik tabıǵı parkiniń týrızm bóliminiń basshysy Ǵanı Nazarbek tabıǵat aıasynda demalýǵa shyqqan kópshilik áleýmettik jelide qyzǵaldaqtarmen túsken sýretin esh qymsynbastan jarııalap jatqanyn aıtty. Sondaı-aq, baǵa jetpes jaýharymyzdy kózdiń qarashyǵyndaı saqtaý qajettigin jetkizdi.
