Sáýle Nurǵojına – Aqmola oblysynyń týmasy 1974 jyldyń 5 qarashasyndadúnıege kelgen.
Bilimi joǵary. Sh.Ýálıhanov atyndaǵy Kókshetaý ýnıversıtetin, QR Qarjy polısııasy akademııasyn támamdaǵan. Ol – memlekettik jáne jergilikti basqarý magıstri (QR Prezıdenti janyndaǵy memlekettik basqarý akademııasy).
Eńbek jolyn 1991 jyly býhgalter retinde bastaǵan bolatyn. 2000 jylǵa deıin «Gorkommýnhoz» MK aımaqtyq komıtetiniń tóraıymy qyzmetin atqardy. Astana qalasy Saryarqa aýdany ákimi apparatynyń ishki saıasat jáne áleýmettik sala bóliminiń jetekshi mamany, bas mamany bolyp jumys istedi. 2003 jyldan Astana qalasy Saryarqa aýdany ákimi apparatynyń ishki saıasat jáne kásipkerlikti qoldaý bólimin basqardy. 2005 jáne 2012 jyldar aralyǵynda – Astana qalasy Saryarqa aýdany ákimi apparatynyń áleýmettik sala jáne kásipkerlik bóliminiń basshysy. 2012 jyly - Astana qalasy Saryarqa aýdany ákimi apparatynyń basshysy. 2012 jáne 2015 jyldar aralyǵynda Astana qalasy Saryarqa aýdany ákiminiń orynbasary bolyp jumys istedi. 2015 jáne 2019 jyldar aralyǵynda Jumyspen qamtý jáne áleýmettik qorǵaý basqarmasy basshysynyń orynbasary boldy. «Qazaqstan Respýblıkasynyń Táýelsizdigine 20 jyl» merekelik medalimen (2011); «Áleýmettik-eńbek salasynyń úzdigi» tósbelgisimen (2017); Qazaqstan Respýblıkasynyń Qurmet gramotasymen (2018) marapattalǵan.
