Arqalyq qalasynyń irgesi qalanǵaly jylý-energetıkalyq kompanııasy mazýtpen jumys istep keletin. Keńes Odaǵy jyldary onyń arzan-qymbaty qandaı bolǵanyn kim bilsin, sońǵy jyldary mazýtqa jyl saıyn baǵa ósip otyrǵandyqtan, alaqandaı qalanyń qystan shyǵýy bıýdjet qaltasyn qaǵyp-aq ketedi.
Qostanaı oblysynyń 2019-2021 jyldarǵa arnalǵan oblystyq bıýdjetine ózgerister engizilgen oblystyq máslıhattyń kezekten tys altynshy sessııasynda óńir basshysy Arhımed Muhambetov Arqalyq qalasy jylý-energetıkalyq kompanııasy úshin alynatyn mazýt baǵasynyń tym qymbattyǵyn aıtqan bolatyn.
«Osydan biraz jyl buryn mazýtqa bir qysta 1,5 mıllıard teńge ketetin. Al qazir onyń kólemi 2,5 mıllıard teńgege deıin kóterildi. О́ıtkeni mazýttyń baǵasy tonnasyna 50 myń teńgeden 90 myń teńgege deıin qymbattady. Aldaǵy jyldary qazandyqty kómirge aýystyrýdy maqsat etip qoıyp otyrmyz» degen Arhımed Begejanuly.
Qazir sol jumystar Arqalyq qalasynda bastalyp ta ketti. Arqalyq qalasynyń ákimi Eldar Kúzenbaevtyń aıtýynsha, bıylǵy qysta Arqalyq JEK 20316 tonna mazýt jaqqan. О́tken jyldyń 27 jeltoqsanynda «Arqalyq qalalyq jylý-energetıkalyq ortalyǵyn qaıta jańǵyrtý úshin qýaty 2,5 MVt týrboagregatqa aýystyrý»jobasy boıynsha "GOLD EURASIA CORPORATION" jaýapkershiligi shekteýli seriktestigimen 554 mıllıon 384 myń.teńgege kelisim-shartqa qol qoıyldy. Onyń 90 mıllıon teńgesi 2019 jyly bólinedi, 2020 jyly 464 mıllıon 384 myń teńgesi ıgeriletin bolady. Kelisim boıynsha jumys 2020 jyly qarashada aıaqtalady, sol qysta jylý-energetıkalyq ortalyq kómirmen jumys isteýge kóshetin bolady.
Arqalyq qalasyn jylýmen qamtamasyz etýdi jańǵyrtý jumystarynyń qazir jobalyq-smetalyq qujattaryn jasaýǵa baıqaý jarııalandy.
