Sóıtse, uly otbasylyq janjaldan keıin úıinen belgisiz jaqqa ketip qalǵan. Sodan beri eshqandaı habar bolmaǵan. Aqyry aýdandyq polısııa bólimine júginýine týra kelgen. Tártip saqshylary onyń ótinishin qabyldap, jedel- izdestirý sharalaryn uıymdastyrǵan. 30 jastaǵy jigitke qatysty málimetter barlyq aýmaqtyq bólimderge jiberilgen. Alaıda, ol týystarymen eshqandaı baılanysqa shyqpaǵan. Reseıge deıin suraý salynǵan.
Onyń Máskeý qalasynda júrgeni anyqtalyp, jedel ýákilder dereý sol jaqqa attanǵan. Sóıtse, beıbaq ananyń uly munda tirkeýge turyp, jumysqa ornalasqan. Biraq jaqyndaryna habar berýge asyqpaǵan.
«Jerles polısııa qyzmetkerlerine alǵysym sheksiz. Balam bir nársege urynyp qaldy ma dep qatty ýaıymdadym. Telefonnan qashan daýsyn estigenshe tynysh jata almadym», deıdi Galına Bolotashvılı.
Jyl basynan soltústikqazaqstandyq polıseıler úılerinen ketip qalǵan 26 adamnyń júrgen jerlerin anyqtady. Aralarynda kámeletke tolmaǵandar da bar.
