Sapar barysynda olar qalanyń sol jaǵalaýyndaǵy qurylys barysymen jáne ahýaldyq ortalyqtyń jumysymen tanysyp, aımaqtyq IT-park pen Qyzylorda oblystyq ólketaný murajaıynda boldy.
Qyzylorda oblysynyń ákimi Q.Kósherbaevpen kezdesý barysynda túrli salalardaǵy yntymaqtastyq perspektıvalary talqylandy.
- Sizderdiń óńirlerińizdi aralap kórgendegi áserim óte jaqsy. Qalanyń damý qarqyny, bolashaǵy myqty ekenin ańǵardym. Oblys ákimi aımaqtyń mektep túlekteri reseılik joǵary oqý oryndarynda bilim alyp jatqanyn aıtty. Aımaq basshylyǵy halyqtyń ómirin jaqsartýǵa tyrysatyny aıqyn kórinedi, – dedi RF Almatydaǵy Bas konsýly Evgenıı Bobrov.
Al, Tájikstannyń Almatydaǵy Bas konsýly Bahodýr Nazır:
- Oblys ákimimen kezdesýde biz yntymaqtastyqtyń birqatar mańyzdy máselelerin talqyladyq. Aldaǵy ýaqytta eki eldiń mádenıetimen tanysý úshin eki el arasynda týrızmdi nyǵaıtyp, birlese jumys isteıtin bolamyz, - dedi.
