Saıasat • 19 Sáýir, 2019

Pákistan Azyq-túlik qaýipsizdigi jónindegi Islam uıymyna 33-shi el bolyp endi

1090 ret

kórsetildi

1 mın

oqý úshin

Qazaqstannyń Tuńǵysh Prezıdenti – Elbasy Nursýltan Nazarbaevtyń bastamasymen qurylǵan Azyq-túlik qaýipsizdigi jónindegi Islam uıymy (AQIU) - (The Islamic Organisation for Food Security – (IOFS)) júıeli túrde óziniń aýqymyn keńeıtýde. Jyl saıyn Uıymǵa múshe elderdiń sany artýda. Osy ýaqytqa deıin Qazaqstan, Saýd Arabııasy, Birikken Arab Ámirlikteri, Túrkııa, Iran, Mysyr, Kýveıt, Qatar, Senegal jáne taǵy basqa musylman elderi AQIU Jarlyǵyna qol qoıyp, múshelikke ótti. Bul týraly SIM baspasóz qyzmeti habarlady.

Marjan TILEÝBEK

Pákistan Azyq-túlik qaýipsizdigi jónindegi Islam uıymyna 33-shi el bolyp endi

AQIU Islam yntymaqtastyǵy Uıymynyń mamandandyrylǵan mekemesi bolyp tabylady. Ol FAO ispettes aımaqtyq qor retinde azyq-túlikpen qamtamasyz etý júıesin damytady, qyzyǵýshylyq tanytqan múshe elderde azyq-túlik beldeýin qurýǵa atsalysady. Azyq-túlik qaýipsizdigi jónindegi Islam uıymyshtab-páteri Nur-Sultan qalasynda ornalasqan.

Qazaqstan álemdegi eń iri 10 astyq óndirýshi jáne eksporttaýshy elderdiń qataryna kiredi. Bizdiń elimiz úshin AQIU eksportty arttyrý men Islam álemi elderinen Qazaqstannyń agroónerkásip keshenine ınvestısııalar tartýdyń qosymsha arnasy bolyp qyzmet atqarady. Múshe elderdiń ózara taýar aınalymy barysynda AQIU-diń zor múmkindikterin paıdalana otyryp, qazaqstandyq aýyl sharýashylyq ónimderi eksporttaý kólemin ulǵaıtýǵa kedergi keltiretin tasymaldaý logıstıkalyq sıpattaǵy máselelerdiń túıinderin sheshýge qol jetkizýge bolady. Osylaısha, AQIU-ǵa múshe eldermen jasalatyn tyǵyz qarym-qatynastar qazaqstandyq ulttyq kompanııalar úshin de, jeke bıznes úshin de jańa múmkindikter týǵyzady.