«Árbir adam alǵashqy medısınalyq kómek kórsete bilýi qajet. Jaraqatqa tańǵyshty durys baılaý nemese synǵan jerge shendeýish tarta bilýi, qoldan demaldyryp, júrekke janama massaj jasaı alýy kerek. Bir kúni mundaı kómek ata-analaryńyzǵa, joldasyńyz nemese jubaıyńyzǵa, ul-qyzdaryńyzǵa, týys-jaqyndaryńyzǵa jáne dostaryńyzǵa jedel járdem kelgenshe qajet bolýy múmkin. Sondyqtan, sheberlik synyp barysynda SOO kelýshileri alatyn mashyqtar bir kúni bireýdiń ómirin qutqaryp qalýy ábden múmkin», deıdi Qoǵamdyq densaýlyq saqtaý ulttyq ortalyǵy dırektorynyń orynbasary, Qoǵamdyq densaýlyqty nyǵaıtý ortalyǵynyń basshysy Zarına Kerýenova.
Sheberlik synyp barysynda «Astana» OKO tájirıbeli dáriger-nusqaýshylary SOO kelýshilerine eresekter men balalarǵa birinshi shuǵyl kómek kórsetýdi úıretti. Kenetten júrek qyzmeti toqtap qalǵan kezde dereý áreket etý algorıtmin, jol-kólik oqıǵalarynan zardap shekkenderde, mehanıkalyq asfıksııa kezinde, túrli jaraqattar alǵan (syný, soǵyp alý, býynnyń shyǵyp ketýi, kúıik alý, qan ketý) kezde birinshi kómek kórsetý jáne t.b.
Sharapatty sharanyń eń belsendi qatysýshylary uıymdastyrýshylar atynan estelik syılyqtarmen marapattaldy, al erekshe kózge túskender «Astana» OKO-da tegin oqýǵa sertıfıkat aldy, ol jerde halyqaralyq sertıfıkattary bar tájirıbeli dáriger-nusqaýshylar 10 jyldan beri medısınalyq jáne medısınalyq emes qyzmetkerlerge alǵy sımýlıasııalyq tehnologııalardy paıdalana otyryp, dárigerge deıingi kómek kórsetý mashyqtaryn úıretedi.
