Alma Medetqyzy basqaryp otyrǵan pedagogıkalyq ujym 2007 jyldan beri úsh tildi bilim berý baǵytynda daryndy balalarǵa arnalǵan mektep retinde nátıjeli jumys jasaýda. Bilim berý salasynda Nazarbaev Zııatkerlik mektepteri men Kembrıdj ýnıversıtetimen birlese jumys isteýde. Muǵalimderdiń kásibı qoǵamdastyǵy aıasynda óz tájirıbelerin respýblıka kóleminde forýmdar men semınarlar arqyly sheberlik sabaqtar úlgisinde ótkizýde.
Mektep ujymynyń is - tájirıbeleri osyǵan deıin ótkizilgen «Kóptildilik-álemdik bilim keńistigine ıntegrasııalanýdyń negizgi sharty» taqyrybyndaǵy respýblıkalyq ǵylymı - ádistemelik semınar arqyly taratyldy. Sońǵy 5 jylda mektepte 60-tan asa ádistemelik ázirlemeler daıyndalyp, 24 muǵalim pedagogıkalyq ıdeıalar festıvaliniń oblystyq, respýblıkalyq deńgeıinde laýreat atanyp, 35 muǵalimniń avtorlyq jobalary úzdik dep tanyldy. 56 - oqýshy halyqaralyq ǵylymı jobalar konkýrsynda, oblystyq deńgeıde – 62 oqýshy, respýblıkalyq deńgeıde -34 oqýshy júldeger atanyp, álemniń 11 memleketinde bolyp, halyqaralyq deńgeıde ǵylymı jobalaryn qorǵaǵan.
Mekteptiń «Rýhanı jańǵyrý» kabınetinde ustazdarmen jyly júzdesken Kúlásh Shámshıdınova bylaı dedi:
-Bilim jáne ǵylym mınıstrligi óz tarapynan hımııa, fızıka, bıologııa, ınformatıka pánderin aǵylshyn tilinde oqytatyn ustazdardy daıyndaýǵa basty nazar aýdaryp otyr. Ustazdarymyzdy úsh tilde oqytýǵa daıyndaımyz. Al mektep te soǵan saı daıyn bolýy kerek qoı. Mine, osy tusta men Shákárim atyndaǵy gımnazııadan úlgi alyńdar der edim. Bul mektep Táýelsizdik alǵannan beri úsh tilde oqytýǵa beıimdelgen. Basqa mektepter de úsh tilde oqytýǵa daıyn bolýlary kerek. Degenmen oqytý barysynda qaı tildi basymdyqpen tańdap alamyz deıdi, ony oqýshylar, ata-analar men mektep ujymy ózi sheshedi. Biz respýblıkadaǵy muǵalimderdiń «Pedagog» statýsyn kóterip, eńbekaqysyn ýaqtyly alǵandy, tómen jalaqy alatyn muǵalim, kitaphanashylardyń eńbekaqysyna zań aıasynda tıisti qosymsha tólenýlerine múmkindik jasaımyz.
Mınıstr Kúlásh Shámshıdınova Semeıde sondaı-aq №49 mektepte jáne birqatar bilim mekemelerinde boldy.
Raýshan NUǴMANBEKOVA
«Egemen Qazaqstan»
SEMEI
