MTQ-nyń negizgi kúsh-jigeri oqý-jattyǵý barysynda áskerı qyzmetshilerge jaýyngerlik qyzmet úshin qajetti jaǵdaı jasaýǵa baǵyttaldy. Dalalyq jaǵdaılarda ornalastyrý barynsha jaılylyq, jasyrynýshylyq pen qaıta oryn almastyrý kezinde utqyrlyqty biriktirý úshin jasalǵan. Jeke quramnyń ystyq taǵammen tamaqtanýy, monsha-kir jýý qyzmeti bólimderdiń sharýashylyq jabdyqtalym pýnktterinde uıymdastyrylǵan. Dalalyq jaǵdaılarda materıaldyq-tehnıkalyq qamtamasyz etý bólimsheleri sharýashylyq jabdyqtalymnyń 42 pýnktin óristetti. Tamaqtanýdy uıymdastyrý úshin 100-den asa aspazshy, shamamen 200 birlik azyq-túlik qyzmetiniń tehnıkalyq quraldary, onyń ishinde, bir táýlik ishinde 5 tonna nan pisiretin dalalyq mehanıkalandyrylǵan nan zaýyty jáne áskerı qyzmetshilerdi zattaı múliktiń qajetti sanymen qamtamasyz etýge arnalǵan dalalyq qoıma tartyldy.
Áskerı gospıtaldar men lazaretter dalalyq jaǵdaıda qajetti emdeý ınfraqurylymyn ornatty. Jaýyngerlik qoldaný aýdandaryna ornalastyrý barlyq qolda bar kúsh pen materıaldyq-tehnıkalyq qamtamasyz etý quraldaryn óristetýdi qajet etti.
MTQ bólimsheleri jaýyngerlik bólimshelerge ýaqtyly jetkizý úshin oq-dárilerdiń dalalyq qoımalaryn óristetti. Áskerı tehnıkanyń úzdiksiz jumys jasaý úshin dalalyq quıý pýnktteri men jóndeý sheberhanalary jabdyqtaldy, al áskerlerdiń jaýyngerlik tártibinde evakýasııalaý quraldary bar zaqymdalǵan mashınalardy jınaý pýnktteri qarastyrylǵan.
Qazirgi ýaqytta materıaldyq-tehnıkalyq qamtamasyz etý áskerlerdi qamtamasyz etýdiń mańyzdy túrleriniń biri bolyp tabylatynyn aıta ketý qajet. Onsyz zamanaýı jaǵdaıda kúndelikti qyzmet, aýqymdy oqý-jattyǵýlar men jalpy Qazaqstan armııasynyń daıyndyǵy múmkin emes.
