Sot júıesi: biliktilik pen jaýapkershilik artady
Juma, 12 qazan 2012 7:01
«Joǵarǵy Sottan bastap, búkil sot júıesine ózderiniń jaýapkershiligi men biliktiligin arttyrý, sóıtip óz jumysyn jetildirýdi ózderi bastaý talaby qoıylady», dep atap aıtylǵan bolatyn Memleket basshysynyń Qazaqstan halqyna bıylǵy Joldaýynda. Shyn mánisinde de sýdıalyq etıka normalaryn saqtaý, sot prosesiniń ashyqtyǵy men jarııalylyǵyn qamtamasyz etý jáne sýdıanyń kásibı biliktiligi men sheberligin qalyptastyrýdyń mańyzy zor ekendigi aıtpasa da túsinikti. Búgingi kúnniń basty ári ózekti talabyna aınalyp otyrǵan bul máseleler Almaty qalalyq sotynda ótken «Sottar jáne BAQ» atty jıynda keńinen sóz boldy.
Juma, 12 qazan 2012 7:01
«Joǵarǵy Sottan bastap, búkil sot júıesine ózderiniń jaýapkershiligi men biliktiligin arttyrý, sóıtip óz jumysyn jetildirýdi ózderi bastaý talaby qoıylady», dep atap aıtylǵan bolatyn Memleket basshysynyń Qazaqstan halqyna bıylǵy Joldaýynda. Shyn mánisinde de sýdıalyq etıka normalaryn saqtaý, sot prosesiniń ashyqtyǵy men jarııalylyǵyn qamtamasyz etý jáne sýdıanyń kásibı biliktiligi men sheberligin qalyptastyrýdyń mańyzy zor ekendigi aıtpasa da túsinikti. Búgingi kúnniń basty ári ózekti talabyna aınalyp otyrǵan bul máseleler Almaty qalalyq sotynda ótken «Sottar jáne BAQ» atty jıynda keńinen sóz boldy.
Almaty qalalyq sotynyń tóraǵasy Meırambek Taımerdenovtiń pikirinshe, «aqparat almasýdyń búgingideı jańa ári sapaly kezeńinde sot júıesinde jarııalylyq pen ashyqtyq basty qajettilikke aınalýda». Sondyqtan da Almaty qalalyq soty keleshekte osy baǵytta birqatar is-sharalardy júzege asyrmaq. «Ulan-baıtaq Qazaqstandaǵy eń iri shahar – Almaty tek ınvestorlardyń ǵana emes, qylmysqa ıkemi barlardyń, quqyq buzýshylardyń da nazaryn ózine aýdarýda. Eki mıllıonǵa jýyq turǵyny bar qalada, ókinishke qaraı iri qylmystar da oryn alyp otyrǵany jasyryn emes.
Meniń oıymsha, kópshiliktiń, qala turǵyndarynyń sot bıligi, sot tóreliginiń júrgizilýi baǵytyndaǵy jumystar jóninde habardar bolýynyń qajettiligi de, bereri de mol ekendigi sózsiz. Soǵan oraı, búgingi kúni esigin aıqara ashyp otyrǵan «Baspasóz ortalyǵynda» júıeli túrde «Ashyq esik kúnin» uıymdastyrý josparlanyp otyr. Turaqtylyq sıpat alatyn mundaı kezdesýlerdiń mazmundy ótetindigine senim mol», dedi Meırambek Taımerdenov óz oıyn ortaǵa salyp.
Adam taǵdyry tarazyǵa túsetin sot jumysynyń kúrdeliligi men joǵary jaýapkershiligi jáne aldaǵy ýaqytta atqarylatyn is-sharalar týraly jıynǵa qatysýshylar salmaqty oılarymen bólisti. Almaty qalalyq soty qylmystyq ister jónindegi apellıasııalyq sot alqasynyń tóraǵasy Luqmat Merekenov, sýdıa Sholpan Qurmanbekova jáne basqalar BAQ ókilderiniń kóptegen saýaldaryna jaýap berdi. Sonymen, jalpylaı alǵanda elimizdegi sot bıligine kópshiliktiń qurmetin qalyptastyrýdyń tıimdi joldary kásibı iskerlikpen jáne irgeli izdenispen kelmek. Kóp túıini osy.
Baqyt BALǴARINA,
«Egemen Qazaqstan».
Almaty.
