Qajetti shara qamtyldy

Sársenbi, 14 qarasha 2012 7:48

Qazaqstanda qarjy polısııasy organdarynyń qurylýy naryqtyq qarym-qatynastardyń qalyptasa bastaýymen jáne soǵan baılanysty etek alǵan ekonomıkalyq qylmyspen kúres qajettiligine baılanysty boldy. Soǵan oraı vedomstvoǵa elimizdiń ekonomıkalyq qaýipsizdigin qamtamasyz etý mindeti júkteldi.

Sársenbi, 14 qarasha 2012 7:48

Qazaqstanda qarjy polısııasy organdarynyń qurylýy naryqtyq qarym-qatynastardyń qalyptasa bastaýymen jáne soǵan baılanysty etek alǵan ekonomıkalyq qylmyspen kúres qajettiligine baılanysty boldy. Soǵan oraı vedomstvoǵa elimizdiń ekonomıkalyq qaýipsizdigin qamtamasyz etý mindeti júkteldi.

О́tken 17 jyldyń ishinde vedomstvo qyzmetiniń tıimdiligin arttyrý úshin kóp nárse jasaldy. Kásibı kadrlyq quram qurylyp, organnyń mindetteri men ter­geýi­ne jatatyn qylmystardyń sheń­be­ri belgilendi. Búginde qarjy polısııasy sybaılas jemqorlyq jáne kóleńkeli ekonomıkamen kúres júrgizýge quzyretti quqyq qorǵaý organyna aınaldy.

Memleket qarjy polısııasy jumysynyń tıimdiligin arttyrý úshin múmkindik jasaýdy jalǵas­ty­rýda. Materıaldyq jáne teh­nıkalyq qamtamasyz etý jaqsar­ty­lyp, quqyqtyq baza jańar­tyl­ǵan, sondaı-aq, eńbekaqy artyp, qyzmetkerler baspanamen qam­ta­masyz etilýde.

Biz – ardagerler, qarjy po­lı­sııasynyń qurylýynyń kýáger­le­ri bolyp, ol úrdiske óz úlesi­miz­di qostyq. Qarjy polısııa­sy­nyń qazirgi basym baǵyttary júıeli sybaılas jemqorlyqqa jáne kóleńkeli ekonomıkaǵa qar­sy kúres, oǵan qosa otandyq ká­sipkerlikti qoldaý, orta jáne shaǵyn bıznesti zańsyz qolsu­ǵý­shylyqtan qorǵaý bolyp tabylady. Al atalǵan mindetterdi tıim­di oryndaý maqsatynda memleket pen azamattardyń quqyqtary jáne zańdy múddelerin adal jáne joǵary kásibı deń­geıde qorǵaý úshin bilimi jáne qarymy jetetin qyzmetkerlerdiń bolýy – basty alǵyshart. Bul jaǵdaıda tek qyzmetine adal jáne kásipqoı qarjy polı­seı­leri ǵana óz jumysyn nátıjeli atqara alady.

Osy oraıda Elbasynyń Jar­lyǵyna sáıkes Qazaqstanda tuń­ǵysh ret ótkizilip jatqan quqyq qorǵaý organdarynyń qyzmetker­le­rin kezekten tys attestat­taý­dyń mańyzy erekshe.

Qarjy polısııasy qyzmet­kerlerin attestattaýdyń maqsaty olardyń kásibı deńgeıi men qa­zirgi talaptarǵa sáıkestigin anyq­taý bolyp tabylady. Bizdiń or­gan­nyń bedelin túsiretin adam­gershilik qasıetteri tómen jáne sybaılas jemqorlyqqa beıim, oǵan qosa qyzmetinde kórset­kish­teri tómen  qyzmetkerlerden ary­lý asa mańyzdy.

Jalpy, attestattaý rásimine qarjy polısııasy organdarynyń 3000-nan astam qyzmetkeri tartyldy, olardyń 68-i – Joǵarǵy attestattaý komıssııasynda, 508-i – orta­lyq attestattaý komıssııasynda, al 2,5 myń qyzmetker – óńirlik at­testattaý komıssııalarynan ıaǵnı, Agenttik tóraǵasy­nyń bi­rin­shi orynbasarynan bastap qatardaǵy ınspektorlarǵa deıin attestattaýdan ótti.

Bul jumystyń shynaıylyǵy, zańdylyǵy jáne ashyqtyǵy Agent­tik tóraǵasy R.Túsipbekov­tiń jeke baqylaýynda tur. Bir­jaqtylyq, tamyr-tanystyq jáne formalızmge jol bermeýge basa nazar bólindi.

Sonymen birge, attestattaý ba­rysynda zańsyzdyq pen ádilet­sizdikke jol bermeý maqsatynda attestattaý komıssııalarynyń ju­my­sy­na azamattyq qoǵam men bu­qa­ralyq aqparat quraldarynyń ókilderi tartyldy. Onyń ishinde «Qarjy polısııasy organdary ardagerleriniń uıymy» qoǵamdyq birlestigi men onyń aımaqtyq fılıaldarynyń basshylary bel­sendi túrde qatysty. Attestat­taý­dy ótkizý barysynda attes­tattalýshynyń qyzmetine jáne onyń sybaılas jemqorlyqqa qarsy zańnamany bilip, durys ustanǵandyǵyna baǵa berildi.

Aǵymdaǵy jylǵy 21 mamyrdan 19 maýsymǵa deıin qarjy po­lısııasynyń 68 qyzmetkeri, olar­dyń qatarynda Agenttik tóraǵa­synyń orynbasarlary, Agenttik apparatynyń basshysy, ortalyq apparat departamentteriniń bas­tyq­tary, oblystar, Astana jáne Almaty qalalary boıynsha qar­jy polısııasy departament­teri­niń bastyqtary men olardyń orynbasarlary, Qarjy polısııasy akademııasynyń bastyǵy, Qa­zaq­stan Respýblıkasy Prezı­de­n­ti janyndaǵy Joǵarǵy attestattaý komıssııasynda synaqtan ótti.

Joǵarǵy attestattaý komıs­sııa­synda attestattaýdan ótken 68 qarjy polısııasy qyzmetkeriniń 20-sy synaqtan óte almady, olardyń 11-i jumystan bosatyldy, 8-i – laýazymdary tómen­detildi jáne 1-eýi  basqa qyzmet­ke aýystyryldy.

Sonymen birge, aǵymdaǵy jyldyń basynan kezekten tys attestattaý bastalmastan buryn tapsyrylǵan jumysty tıisti deńgeıde uıymdastyrmaǵandary úshin 37 basshy, olardyń ishinde Agenttik tóraǵasynyń 2 orynbasary,  Ortalyq apparat departa­mentteriniń 6 bastyǵy, aýmaqtyq departamentterdiń 9 bastyǵy, aýmaqtyq departamentter bas­tyq­tarynyń 20 orynbasary laýazymdarynan bosatylǵan.

Budan basqa, Joǵarǵy attestattaý komıssııasynyń qatań talaptaryn túsine otyryp, 9 qyz­metker kezekten tys attestattaýdan ótýden bas tartyp, ózderin laýazymdardan bosatýǵa jáne ju­mystan shyǵarýǵa baıanatpen ótinish bildirdi.

Ortalyq apparattyń jáne taǵaıyndalýy Agenttiktiń nomenklatýrasyna kiretin aýmaq­tyq qarjy polısııasy organdary men Qarjy polısııasy akade­mııasynyń qyzmetkerleri attestattaýdy Agenttik janyndaǵy Ortalyq attestattaý komıssııasynda ótti.

Osy komıssııada attestattaýdan 533 qyzmetker ótýi tıis bolatyn, alaıda 19 qyzmetker laýazymdarynan bosatý týraly baıanat jazyp, attestattaýdan ótý­den bas tartty, 2-ýi ortalyq áskerı-medısınalyq komıssııaǵa qara­lýǵa jiberildi, 4 qyzmetker ýa­qytsha eńbek qabiletsizdigine baılanysty attestattaýdan ót­pedi.

Ortalyq attestattaý komıs­sııa­synda attestattaýdan ótken 508 qyzmetkerdiń 63-i attestattaýdan óte almady.

Attestattaý úderisiniń sońǵy satysy – suhbattasýdan 17 aı­maq­tyq komıssııalarynan aýmaq­tyq departamentter men Qarjy polısııasy akademııasynyń 2364 qatardaǵy qyzmetkeri ótti. Odan, negizinen 2437 qyzmetker ótýi tıis bolatyn, alaıda 16 qyzmet­ker laýazymdarynan bosatý týraly baıanat jazyp, bas tartty, 3-ýi – áskerı-medısınalyq komıssııa­lar­ǵa qaralýǵa jiberildi, 26 qyz­metker ýaqytsha eńbek qabi­let­sizdigine, 20-sy – qyzmettik issa­parda, 4-ýi – kezekti eńbek demalysynda bolýyna jáne 4-ýi – júktiligine baılanysty attestattaýdan ótken joq.

Qarjy polısııasy akademııasy men aýmaqtyq depar­tament­terdiń bastyqtarynyń tóraǵalyq etýimen óńirlik attestattaý komıssııalarymen ótkizilgen suh­bat­tasý qorytyndysy boıynsha 2364 qyzmetkerdiń 439-y ıaǵnı árbir besinshisi attestattaýdan óte almady. Sóıtip, 136 qatar­daǵy qyzmetker jumystan bosatyldy.

Attestattaý barysynda baqy­laýshy retinde qatysqan qarjy polısııasy ardagerleri zańdy­lyq, shynaıylyq jáne ádildik qaǵıdalary qatań túrde saqtal­ǵan­dyǵyn jáne komıssııalar she­shim qabyldaý kezinde zań talaptaryna negizdelgendigin atap ótti. Osylaısha, qarjy polısııasy organdarynda kezekten tys attestattaýdy ótkizgen kezde basty dep belgilengen zańdylyq, ashyq­tyq, shynaıylyq, tamyr-tanys­tyqqa jáne birjaqtylyqqa jol bermeý qaǵıdalaryn qamtamasyz etý úshin asa zor kúsh jumsaldy. Nátıjesinde, vedomstvonyń kadr­lyq quramy aıqyn ja­ńar­tyldy jáne qazir qatarda eli­mizdiń ekonomıkalyq múddelerin qorǵaý boıynsha ózderiniń min­det­terin adal atqarýǵa daıyn qyz­metkerler qaldy dep aıtýǵa bolady.

Baljan SEIILOVA,

«Qarjy polısııasy organdary

ardagerleriniń uıymy» qoǵamdyq

birlestiginiń tóraıymy.