Urylardyń sýretteri qoǵamdyq kólikterde ilinip qoıylatyn boldy
Juma, 16 qarasha 2012 7:13
«Arsyzdyq áýeli sál-pál bilmestikten bastalady», degendeı, búginde qylmystyq áreketterdiń sany da, túri de kóbeıe túsýde. Ásirese, páter tonaý, qoǵamdyq kólikterde ózgelerdiń qaltasyna túsip, aqsha jáne ózge de qundy zattardy urlaýdy kásipke aınaldyrǵandar qatary az emes. Almaty qalalyq ishki ister departamenti, mine, osyndaı qylmystyq árekettermen áýestenýshilerge qarsy kúrestiń eń yqpaldy tásilin júzege asyrmaq. Eki mıllıonǵa jýyq turǵyny bar iri shahardyń Almaly aýdanynda kóptegen joǵary oqý oryndary shoǵyrlanǵandyǵy eskerilip, jańa joba osy aýdannan bastaý almaq.
Juma, 16 qarasha 2012 7:13
«Arsyzdyq áýeli sál-pál bilmestikten bastalady», degendeı, búginde qylmystyq áreketterdiń sany da, túri de kóbeıe túsýde. Ásirese, páter tonaý, qoǵamdyq kólikterde ózgelerdiń qaltasyna túsip, aqsha jáne ózge de qundy zattardy urlaýdy kásipke aınaldyrǵandar qatary az emes. Almaty qalalyq ishki ister departamenti, mine, osyndaı qylmystyq árekettermen áýestenýshilerge qarsy kúrestiń eń yqpaldy tásilin júzege asyrmaq. Eki mıllıonǵa jýyq turǵyny bar iri shahardyń Almaly aýdanynda kóptegen joǵary oqý oryndary shoǵyrlanǵandyǵy eskerilip, jańa joba osy aýdannan bastaý almaq.
Anyǵyraq aıtqanda, urlyq jasaıtyndardyń, páter tonaǵandardyń jáne izdestirýde júrgen qylmyskerlerdiń fotosýretteri qoǵamdyq kólikterge ornalastyrylady. Munyń ózi sonymen qatar, ózderiniń ańǵaldyǵymen qylmyskerlerge qolaıly jaǵdaı jasaıtyn qala turǵyndarynyń qaýipsizdigi úshin de úlken kómek ekendigi sózsiz. Almaly aýdany tártip saqshylary almatylyqtarǵa urylardan qorǵaný joldary týraly aqparat jazylǵan eskertpelerdi, jadnamalardy da usynýda.
– Búgingi kúnge deıin mundaı eskertpelerdiń elý myń danasy daıyndaldy. Urlyq jasaýshylarǵa qarsy tıimdi ári erekshe shara tek avtobýstardy ǵana emes, tramvaılar men trolleıbýstardy da qamtıdy. Sonymen qatar, bul sýretter kóp qabatty úılerdiń kireberisine de ilinedi. Qylmystyń aldyn alý is-sharalaryn jasaýda jáne ony iske asyrýda bizge jergilikti ákimdik pen prokýratýranyń yqpaly mol boldy, – deıdi Almaty aýdandyq IIB bastyǵy, polısııa polkovnıgi Talǵat Seıilhanov.
Ońtústik astanada sońǵy úsh jyl boıy «Qaýipsiz aýla» baǵdarlamasy dáıektilikpen júzege asyrylýda. Kóp qabatty úılerde temir esikter ornatylyp, olar arnaýly qulyptarmen jabdyqtalǵan. Qaladaǵy jeti myńǵa jýyq kóp qabatty úılerdiń toqsan paıyzynda osyndaı jumystar júrgizildi. Sóz reti kelgende aıta ketetin taǵy bir jaıt, Almatyda tirkelgen qylmystardyń basym kópshiligin Shyǵys Qazaqstan, Jambyl, Ońtústik Qazaqstan jáne Almaty oblysynan kelgender jasaıtyny anyqtaldy.
Baqyt BALǴARINA,
«Egemen Qazaqstan».
ALMATY.
