Álem moıyndaǵan jetistik
Juma, 16 qarasha 2012 7:27
Elimizdiń BUU Bas Assambleıasynyń 67-shi sessııasy sheńberinde Adam quqyqtary jónindegi keńes músheligine alǵash ret saılanýy Qazaqstannyń halyqaralyq qoǵamdastyq tarapynan qoldaýǵa ıe ekenin taǵy bir pash etti.
Qazaq halqy álemge qashanda ózin qonaqjaılyǵymen ári darhan kóńilimen kez kelgen ortaǵa syıysa alatyn erekshe bir qasıeti arqyly tanytyp keledi. Adam quqyqtary jónindegi keńeske múshe bolýy da sonyń nátıjesi dep bilemin. Sonymen qatar, bul – elimizdegi demokratııa qaǵıdattarynyń jáne adam quqyqtarynyń jan-jaqty saqtalyp otyrǵandyǵynyń belgisi. Qazaqstan kandıdatýrasy úshin álemniń 183 eliniń qoldap daýys berýi osynyń aıqyn kórsetkishi desem de bolady.
Juma, 16 qarasha 2012 7:27
Elimizdiń BUU Bas Assambleıasynyń 67-shi sessııasy sheńberinde Adam quqyqtary jónindegi keńes músheligine alǵash ret saılanýy Qazaqstannyń halyqaralyq qoǵamdastyq tarapynan qoldaýǵa ıe ekenin taǵy bir pash etti.
Qazaq halqy álemge qashanda ózin qonaqjaılyǵymen ári darhan kóńilimen kez kelgen ortaǵa syıysa alatyn erekshe bir qasıeti arqyly tanytyp keledi. Adam quqyqtary jónindegi keńeske múshe bolýy da sonyń nátıjesi dep bilemin. Sonymen qatar, bul – elimizdegi demokratııa qaǵıdattarynyń jáne adam quqyqtarynyń jan-jaqty saqtalyp otyrǵandyǵynyń belgisi. Qazaqstan kandıdatýrasy úshin álemniń 183 eliniń qoldap daýys berýi osynyń aıqyn kórsetkishi desem de bolady.
Meniń estýimshe, daýys berý nátıjesi boıynsha bizdiń el besinshi orynnan kóringen. Táýelsizdigin alǵanyna jıyrma jyl bolǵan el úshin onyń aıtarlyqtaı úlken jetistik ekenine esh shúbá joq. Árıne, osy rette mundaı jetistiktiń el men Elbasy bedeli arqasynda múmkin bolǵandyǵyn da qaperge sala ketken jón. Meniń oıymsha, osyndaı bedel arqasynda ǵana bizdiń elimizge múshelik etý senip tapsyryldy. Qazaqstannyń azamaty retinde men úshin bul ıgi jańalyq jáne óte úlken mártebe. О́ıtkeni, kezekti ret elimizdi búkil álem taǵy da moıyndady ári senim artty.
Adam quqyqtary tek demokratııalyq elderde saqtalaryn eskersek, bizdiń Konstıtýsııamyzda adam quqy men erkindigin qorǵaý jan-jaqty qamtylǵan. Ekinshi jaǵynan qaraǵanda, elimizde Ata Zań jáne onyń qaǵıdattary jumys istep turǵandyǵynan álem jurty habardar ekendigin bul jaǵdaı anyq baıqatty. Elimizde adam quqyqtary eń joǵary deńgeıde memleket tarapynan qorǵalǵan jáne de ol quqyqtardyń myzǵymastyǵyna Elbasymyz Nursultan Ábishuly Nazarbaev kepil bolyp tabylady.
BUU Adam quqyqtary jónindegi keńesine múshelikke saılanýymyz arqyly biz ózimizdiń boıymyzda áleýetimizdiń áli de basym ekenin taǵy bir dáleldedik. Bul, sonymen qatar, elimizge qol jetkizgen jetistikterimen shektelip qalmaı, ári qaraı da damý turǵysynan úlken jaýapkershilik júktep otyr. Demek, osy adam quqyqtary salasyndaǵy jetistikterimizdi eseleý jolynda aıanbaı ter tógýimiz qajet. Álemge ózimizdiń turlaýly el ekenimizdi ári qaraı da dáleldeı túsip, osy tuǵyrdan taımaýymyz kerek.
Adam quqyqtary qorǵalǵan kez kelgen memlekette qalǵan máselelerdiń barlyǵy da sheshimin tabaryna eshkimniń de kúmáni bola qoımas. Ekonomıkalyq, áleýmettik, tipti etnosaralyq máselelerdiń túıtkilderin sheshýge bolady jáne oǵan barlyq alǵysharttar jasalǵan. Elimizde júzden astam etnos ókilderi turǵanymen, olardyń quqyqtary men erkindigi jan-jaqty qorǵalǵandyǵyn álem kórip otyr.
Biz birtutas halyqpyz, sondyqtan da bir elmiz. «Birlik bar jerde, tirlik bar», deıdi halyq. Mine, sol birligimizdiń arqasynda barlyǵymyz da ortaq Otanymyz úshin eńbek etip, osyndaı jetistikterge jetip kelemiz jáne alda da jete bereıik.
Hýsaın VALIEV,
Parlament Senatynyń depýtaty.
