Prosess odan ári jalǵasýda

Beısenbi, 22 qarasha 2012 7:25

Taldyqorǵan qalalyq sotynda áskerı qyzmetshi V.Chelahtyń isi boıynsha sot prosesi odan ári jalǵasýda. 21 qarasha kúni úzilis­ten keıin saǵat 14.30-da sottalýshynyń qor­ǵaý­shysy S.Sársenovke sóz berildi. Ol óziniń qatysýymen qorǵalýshysynyń aıdaýyldyń bólmesinde óz qolymen jazǵan aryzyn sotqa tapsyrdy. Onda sottalýshy kameradan shyǵyp sot zalyna barýdan jáne proseske qatysýdan bas tartatynyn jazypty. Buǵan qosa sot­ta­lý­shy sot isi boıynsha aıǵaqtardy zerttep bol­ǵan soń ǵana túsinik beretindigin jetkizgen.
Sot sottalýshyǵa sot otyrysyna qa­tys­paýǵa ruqsat bergenimen, biraq onyń qorǵaý­shylaryn sot otyrysyna qatysýǵa mindettedi. Onyń ústine sottyń uıǵarymy boıynsha, V.Chelah óziniń qalaýy boıynsha kez kelgen ýaqytta sot otyrysyna oralýyna bolady. Advokatqa bul týraly óziniń qorǵaýshysyn qulaqtandyrýǵa ýaqyt berildi. Osylaısha sot prosesi sottalýshy V.Chelahsyz jalǵasty.
Budan keıin advokat S.Sársenov V.Chelah­ty psıhologııalyq-psıhıatrııalyq saraptamadan qaıta ótkizý jóninde usynys aıtty. Sot bul usynysty ashyq qaldyrdy.
Budan soń sot is boıynsha aıǵaqtardy zert­teýge kiristi. Proseske qatysýshylarǵa V.Che­lahtyń tergeý oqshaýlaǵyshynda otyr­ǵan­darmen, anasy jáne atasymen áńgime­le­ri­niń beınejazbasy kórsetildi. Osy beı­nejaz­ba­lardyń bárinde sottalýshy esh­qan­daı qy­sym­syz óziniń qyzmettesterin ól­tirý­degi ja­sa­ǵan qylmysyn tııanaqty túrde baıandaıdy.

«Egemen-aqparat».