Alaıaqtardyń attary jurtshylyqqa jarııa etilip otyrýy kerek

Juma, 23 qarasha 2012 7:23

Keshe Oral qalasynda «Nur Otan» HDP Batys Qazaqstan oblystyq fılıalynyń partııalyq baqylaý komıssııasy men jemqorlyqqa qarsy kúres jónindegi qoǵamdyq keńestiń otyrysy ótkizildi. Onda aımaqtaǵy osyndaı mazmundaǵy keńestiń tóraǵasy Aqserik Áıtimov baıandama jasap, jemqorlyqqa qarsy kúres jónindegi istelgen ister men alda turǵan mindetter jóninde baıandama jasady. Budan soń oblystaǵy birqatar «Nur Otan» HDP músheleri sóz alyp, jemqorlyqpen kúres búkilhalyqtyq is ekenine toqtaldy.

Juma, 23 qarasha 2012 7:23

Keshe Oral qalasynda «Nur Otan» HDP Batys Qazaqstan oblystyq fılıalynyń partııalyq baqylaý komıssııasy men jemqorlyqqa qarsy kúres jónindegi qoǵamdyq keńestiń otyrysy ótkizildi. Onda aımaqtaǵy osyndaı mazmundaǵy keńestiń tóraǵasy Aqserik Áıtimov baıandama jasap, jemqorlyqqa qarsy kúres jónindegi istelgen ister men alda turǵan mindetter jóninde baıandama jasady. Budan soń oblystaǵy birqatar «Nur Otan» HDP músheleri sóz alyp, jemqorlyqpen kúres búkilhalyqtyq is ekenine toqtaldy.

Forýmda Parlament Sena­ty­nyń depýtaty, «Nur Otan» HDP Jemqorlyqqa qarsy kúres jó­nin­degi qoǵamdyq keńestiń tór­aǵa­sy Oralbaı Ábdikárimov tó­men­­de­gideı máselelerge toqtaldy.
Aldyńǵy jyldarmen salys­ty­ra qaraǵanda, qazaqstandyq qo­ǵamda sybaılas jemqor­lyq­pen kúres kúsheıip keledi. Onyń basty kórinisi jemqorlyq sı­pat­taǵy qylmystardyń kóbirek ashylǵany deýge bolady. Osy­nyń aldynda ómirge kelgen qo­ǵam­dyq qozǵalys qurý ıdeıasy búginde naqty iske aınalyp, túp-tamyryn tereńge tarta bildi. Res­pýblıkada qoǵamdyq-azamat­tyq ınstıtýttar arasyn­da ja­sal­ǵan memorandýmǵa sáı­kes, atal­ǵan kúreske tarty­lý­shy­lar sany da jyldan jylǵa artyp keledi.
Búginde Qazaqstan TMD memleketteri arasynda jemqorlyq­pen kúreste tıimdi zańnamalyq bazasy bar el bolyp sanalady. Sondyqtan da elimizde atalǵan áleýmettik indetti aýyzdyqtaý júıeli sıpatqa ıe. Soǵan qa­ramastan, jemqorlyq kórinis­te­ri azaımaı keledi. Bul, túptep kelgende, memleketimizdiń alǵa qaraı damýyn tejep, tipti keı jaǵdaılarda eldiń qaýipsizdigine qater tóndirýi de múmkin, dep atap kórsetti keńes tóraǵasy.
Bul úshin elimizde oǵan qa­jet­ti alǵysharttardyń bári de jasalǵan. Endigi jerde osy ba­ǵyttaǵy kúrestegi turǵyn­dar­dyń sergektigi men sana-sezimi bıik, joǵary deńgeı men sıpatta bolsa, ortaq is nátıjelirek bolar edi. Munyń ózi birin biri baıytyp tolyqtyra túsetin keshendi sharalar shoǵyry degen sóz. Sońǵy kezde Memlekettik qyz­met týraly Zańǵa tıisti óz­gerister men tolyqtyrýlar engizý jónindegi qadamdar kún tár­tibine qoıylýynyń kúrestiń pármendiligin kúsheıte túsýge septigin tıgizeri anyq.
Qarapaıym turǵyndardyń memlekettik qyzmetshilerge degen senimin ornyqtyrýdyń bas­ty bir joly olardyń tabystary jónindegi deklarasııany jarııa­laýy bolyp tabylady. О́kinishke qaraı, bul másele respýblıkada jappaı óris ala alaı otyr dedi budan ári O.Ábdikárimov. Degenmen, Oral óńirinde bul máselede quptarlyq qadamdar bar ekenine de kóz jetkizip otyrmyz. Munda júıege ene bastaǵan «О́zińnen basta!» aksııasy ashyqtyq pen jarııalylyq isindegi laıyqty qa­dam bolyp tabylady. Jem­qor­lyqqa qarsy kúres jónindegi jańa zańnama jobasy mundaı ádisterdi jan-jaqty óristetý men tereńdete túsýdi kózdeıdi. Bul irgeli qujat tutastaı eli­miz­diń jemqorlyqqa qarsy kúres saıasatyn aıqyndaı alady. Onyń taǵy bir basty baǵdary men ómirsheńdigi qoǵamdyq ınstıtýttar korpýsyna arqa súıeýinde.
Sondaı-aq, Oralbaı Ábdi­ká­rimov elimizdegi jemqorlyqpen kúres máselelerine arnalǵan ártúrli basqosýlar men forýmdarda kóbine shartty túrdegi derekter ǵana tizbektelip, eshkim­niń naqty aty-jóni atal­maı­tynyn atap kórsetti. Mundaı jaǵdaıda jemqorlyqpen kúres tıimdi nátıje bere almaıdy, dep túıin jasady ol. Birqatar memleketterde jemqorlyq qyl­mys­qa jol berdi eken, ol memlekettik laýazym ıesi otstavkaǵa ketedi. Elimiz bul deńgeıge ázir­ge jete almaı otyr. Alaıda tú­bin­­de osyndaı kózqaras ústem túsýge tıis.
Sóziniń sońynda senator «Nur Otan» HDP Jemqorlyqqa qarsy kúres jónindegi qoǵamdyq keńestiń tóraǵasy Oralbaı Áb­di­kárimov sybaılas jemqor­lyq­pen kúreste Batys Qazaqstan oblysy júıeli jumys isteıtin aımaqtar qatarynan oryn alatynyna senim bildirdi.
«Jańǵyrtý men jemqorlyq – úılespes uǵymdar» atty «Nur Otan» HDP oblystyq forýmy talqylanǵan máseleler bo­ıyn­sha tıisti usynymdar qabyldady.
Temir QUSAIYN,
«Egemen Qazaqstan».