Aralas nekeni ashyq nasıhattaǵany qalaı?
Senbi, 19 mamyr 2012 7:42
Qazaq «joly jińishke», «jartjurttyqqa jaralǵan» qyz balany qansha mápelese de, qyryq úıden tyıym sala bilgen. Soǵan oraı ulttyq tálim-tárbıeni tal boıyna uıalatyp, zerdesine toqyp ósken. Eli menen eriniń tileýin tilep, asyl jar, jaqsy kelin, ónegeli ana bolýdy pir tutqan.
Senbi, 19 mamyr 2012 7:42
Qazaq «joly jińishke», «jartjurttyqqa jaralǵan» qyz balany qansha mápelese de, qyryq úıden tyıym sala bilgen. Soǵan oraı ulttyq tálim-tárbıeni tal boıyna uıalatyp, zerdesine toqyp ósken. Eli menen eriniń tileýin tilep, asyl jar, jaqsy kelin, ónegeli ana bolýdy pir tutqan.
О́kinishtisi sol, búginde qyzdarymyzdyń keı qylyqtary qaradaı túńildiredi. Jat ádetterge eliktep, taǵylymdy dástúrlerden alshaqtap ketkeni sonshalyq, onyń sońy opa bermes neshe túrli keleńsizdikterge ulasyp barady. Bulaı túńile sóıleýime myna oǵash jaıt túrtki bolyp, qolyma eriksiz qalam aldyrtty. Oblys ortalyǵynda Qazaqstan halqy birligi meıramy toılanyp jatqan. Ulttyq-mádenı birlestikterge grant tapsyrý rásiminen keıin ortaǵa jas jubaılar úlken saltanatpen shaqyrylyp, arnaıy syı-sııapat jasaldy. Osy kezde merekelik kóńil-kúıim sý sepkendeı basylyp sala berdi. Áp-ádemi qaryndasymyzdyń ózge ult ókiliniń eteginen ustaǵany ersi, oǵash kóringenine emes, aralas nekeni ashyq nasıhattap, memlekettik saıasattyń bir baǵytyna aınaldyryp jibergen Petropavl qalalyq ákimdigi men ishki saıasat bóliminiń ustanymyna qatty qapalandym. Jergilikti azamattyq hal aktilerin tirkeý mekemesiniń derekteri shoshyndyrady. Oǵan qarap qazaq qyzdarynyń basqa ult ókilderine turmysqa shyǵýy, olardyń jeteginde teńiz, muhıt asyp ketýi qalypty úrdiske aınalǵan ba dep qalasyń.
Olaı bolsa, jergilikti oryndardyń ulaǵatty urpaq ósirip otyrǵan altyn qursaqty, naǵyz qazaqy analar men otbasylardy úlgi etýdiń ornyna aralas nekeni ashyq dáriptep, jurtshylyqqa jar salýyna jol bolsyn?!.
Baqyt RAMAZAN.
Petropavl.
