Tımeńder «Bıshi qaıyńǵa»!
Juma, 8 maýsym 2012 7:20
Aqparattar aǵynyna qulaq túrsek, Býrabaıdaǵy «Bıshi qaıyńdy» bireýler halyqtyń qarsylyǵyna qaramastan qyrqyp-otap, ornyna úı, meken-jaı salýdy oılastyryp jatqan kórinedi. Bul habar meni de beıjaı qaldyrmady.
Juma, 8 maýsym 2012 7:20
Aqparattar aǵynyna qulaq túrsek, Býrabaıdaǵy «Bıshi qaıyńdy» bireýler halyqtyń qarsylyǵyna qaramastan qyrqyp-otap, ornyna úı, meken-jaı salýdy oılastyryp jatqan kórinedi. Bul habar meni de beıjaı qaldyrmady.
Avtor.
__________________________
Tyńdaǵyn astamsyǵan alpaýyttar,
Senderdiń sózderińde sál qaýip bar…
Teginde «Bıshi qaıyń» aman tursa,
Kóginde Kókshetaýdyń án qalyqtar.
Ketkende sulýlyqtyń kózi irińdep,
Baptaýdyń,
Aıalaýdyń ózi mindet.
Aınalyp búkil dúnıe
Aqqaıyńǵa,
Turǵandaı tabıǵattyń ózi bılep.
Bıleıdi bir orynda,
Júrmeıdi olar.
Julsań da japyraǵyn gúldeıdi olar.
Aıamaı
Aq qaıyńdy qulatqandar.
Aqqýdy
Atqanmenen birdeı bolar.
Kúnde atyp,
Ańnyń ózin,
Qustyń ózin,
Sýymaı betińdegi susty keziń.
Qorqaýdaı dúnıeni qurtyp bolyp,
Endi –
«Bıshi qaıyńǵa» tústi kóziń!
Ormanda –
Ońashada súıiskender,
Shárbatyn mahabbattyń jıi ishkender.
«Bıshi qaıyń» –
Súıedi aıalaýdy,
«Bıshi qaıyń» –
Kıeli, tıispeńder!
Bul Býrabaı –
О́temi ata dańqtyń,
Bıshi qaıyń –
Mekeni mahabbattyń.
Joǵaltyp,
Jer betinen sulýlyqty.
Ot jaǵyp ortasynan
Otamaq kim?!
Bul dala –
Berilmeıdi ýaıym-zarǵa.
Biraq ta,
Bıshikeshte toıym bar ma?!
Ataqty
Abylaı han zamanynda.
Bılegen,
Adam túgil,
Qaıyńdar da!
Bolsa da,
О́zi batyr,
О́zi mergen.
Eshkimniń emes olar sózine ergen.
Ejelgi el mekeni,
Ertegideı –
Keshegi Kenesary kózi kórgen.
Taptyń ba,
Jemqorlyqtyń bir tólemin.
Aıtsańshy,
Qaıda baryp gúl teremin…
Baıaǵy Qulagerdi qulatqandaı,
Baltańdy sulýlyqqa siltegeniń!
Tyıylyp,
Tizginińdi tym irikpeı,
Kóktemniń
Kúıge toly kúni bitpeı…
Baltańdy qolyńa ustap,
Qaraısyń sen,
Betine sulýlyqtyń shimirikpeı.
Qorlasań sulýlyqty aqyn ǵarip,
Júregiń daýalamaı,
Jaqyn baryp…
Tabıǵat syıǵa tartqan
Sulýlyqty –
Qııasyń qalaı ǵana dátiń baryp!
Serik TURǴYNBEKULY.
