Endi ne isteımin?

Sársenbi, 26 qyrkúıek 2012 7:06

Men bir aıaǵy joq múgedek bolsam da qolymnan kúregim túspegen, sharýadan qol úze qoımaǵan, dúnıe-múlkim bir basyma jetetin, ata-babamnan qalǵan qara shańyraq, tórt bólmeli úıge ıe bolyp otyrǵan jan edim. Allanyń buıyrtpaǵany shyǵar, biraz jasqa kelgenshe úılenip úı bola qoımadym. Osynymdy paıdalanǵan alaıaq Tastanova Karıma degen áıel bizdiń aýylǵa, meniń kórshimniń úıine kelip júrgen bolyp, aqyry kórshi-kólemi bar, azǵyryp sol áıelge meni úılenip tyndyrdy. Árıne, azǵyrdy degenim artyqtaý shyǵar, biraq elýden asqan jasymda ońaılyqpen úılene qoıýym da qıyn edi.

Sársenbi, 26 qyrkúıek 2012 7:06

Men bir aıaǵy joq múgedek bolsam da qolymnan kúregim túspegen, sharýadan qol úze qoımaǵan, dúnıe-múlkim bir basyma jetetin, ata-babamnan qalǵan qara shańyraq, tórt bólmeli úıge ıe bolyp otyrǵan jan edim. Allanyń buıyrtpaǵany shyǵar, biraz jasqa kelgenshe úılenip úı bola qoımadym. Osynymdy paıdalanǵan alaıaq Tastanova Karıma degen áıel bizdiń aýylǵa, meniń kórshimniń úıine kelip júrgen bolyp, aqyry kórshi-kólemi bar, azǵyryp sol áıelge meni úılenip tyndyrdy. Árıne, azǵyrdy degenim artyqtaý shyǵar, biraq elýden asqan jasymda ońaılyqpen úılene qoıýym da qıyn edi. Degenmen, jastyń jetip otyrǵanyna da moıynsunyp, eki balasy bar álgi áıelge úılendim. Úılendim degenmen zańdy nekege turǵan joqpyz, ol óziniń qujatynyń joqtyǵyn, joǵalǵanyn aıtyp keıinge shegerip júrdi. Biraq din jolymen nekemizdi qıyp, qazaqy salt-joralǵymyzdy jasadyq. Sóıtip, ol áıel biraz ýaqyttardan soń ózgere bastady. Ana-mynany aıtyp, aqyr sońynda óziniń Lengir qalasynda úıi baryn, ári bizdiń aýylda oǵan jumys joq ekenin alǵa tartyp, meniń úıimdi satyp, sol jaqqa kóshýge úgittedi. Men bas tartyp edim, menen aıaǵym aýyr dep sendirdi. Kónbeseń, ketemin, jalǵyz qalasyń, senen alıment alamyn dep qorqytty. Aqyry kelistirip, úıdi satý jaıymen ózi aınalysyp ketti. Sońynda Nazar Toqaev degen kórshimizge qaldyryp ketetin bolyp sheshti. Syıǵa tartý kelisim-shartymen úıdi solarǵa tas­tap kettik. Sóıtsem ol álgi kórshiden 450 000 teńge aqsha alypty.
Al biz Lengirge kóship barǵanda ol jaqta Karımanyń eshqandaı úıi joqtyǵy belgili boldy. Bir sińlisiniń úıine baryp turdyq. Barǵan soń ol kóp uzamaı bosandy. Iаǵnı, júktilik menen bol­ma­ǵan. Sóıtsem, ol óte ishkish áıel eken. Barǵan soń ishki­likke ábden salynyp aldy. Barlyq qujat­ta­rymdy ózine alyp qoıyp, meni qara jumysqa jek­ti. Ketip qalýǵa múlde aqsha bermedi. Zeınet­aqym­dy kósherde kez kelgen jerden alýǵa yńǵaıly bolady dep kartochka júıesine aýystyrǵan bolatyn. Al kartochka meniń qolyma tımedi. Sóıtsem, ol mensiz baryp alyp, qupııa kodtaryn da ıelengen eken. Birneshe aı boıy zeınetaqymdy alyp jú­ripti. Al bank qyzmetkerleri bul jaǵdaıǵa qalaı jol bergeni belgisiz. Keıin anyqtaýǵa kúsh sal­ǵanymda maǵan, ózim aldym dep qol qoıdyrtyp aldy. Qoımaımyn dep edim, búkil aýyldaǵy aǵaıyndy araǵa salyp, kúshtep qoıdyrdy. Soǵan qaraǵanda, aǵaıynǵa da qysym túsirgen bolýy kerek. Sonymen, álgi áıeldiń sińlisiniń úıinde qorlyqpen kúnderim ótip jatty. Bir kúni sol jaqtan jaldanyp isteıtin jumys taýyp, ıaǵnı bir kisiniń úıiniń sharbaǵyn jasap berip, az-muz jolǵa aqsha taptym da, aqyry ol jaqtan aýylyma qashyp kettim. Kele sala álgi áıeldi sotqa berýge árekettenip, úıimdi qaıtarýdyń jolyn izdedim.
Úıdi syıǵa tartý kelisim-shartymen Toqaev Nazardyń balasy kámeletke tolmaǵan Dadashov Altynbekke ótipti. Bul oqıǵa 2010 jyly bolǵan. Men, prokýratýraǵa aryz túsirdim. Karımaǵa izdeý salyndy.
Sóıtip júrgende Karıma Tastanova bizdiń aýylǵa qaıtyp kóship kelip, meniń úıimdi qaı­taryp beretinin, Toqaevtan syıǵa tartý kelisimin alyp beretinin aıtty. Qujattarymdy qaı­tara­tynyn aıtyp úıine shaqyrdy. Sol barǵanymda ol qýlyqqa salyp, meni aldap-arbap, aqyrynda araq ishkizip, bir qujatqa qol qoıdyryp aldy. Ol álgi syıǵa tartý kelisim-shartyn buzǵanda tólenýi tıis 9200 teńgeni tóleý úshin qoıylyp otyrǵan qol dep túsindirdi. Sóıtsem ol úıdi Nazar Toqaevqa aýdaryp berip otyrǵan qujat eken.
Sodan beri aýdandyq prokýratýraǵa aryz túsirip, tipti oblystyq prokýratýraǵa deıin jazdym. Aqyry sot boldy. Biraq men aýdandyq sot, sýdıa P.Mahambetovtyń sheshimi zańsyz dep esepteımin. Tipti, sotqa aılaker Tastanova Karıma qatyspady. Redaksııaǵa hat jazyp otyr­ǵan­da­ǵy basty sebebim de osy isti qaıta qarap, sotty taǵy bir márte ótkizýdi suraımyn. Múmkin, quqyq qorǵaý organdary osy hatymnan keıin isti qaıta qaraýǵa áreket jasar degen úmittemin. Sebebi, bul hat kólemine oqıǵa jelisi tolyq syımady. Al aılaker áıeldiń áreketteri kóp tekserýdi qajet etedi.
Álimjan QALMYRZAEV.
Ońtústik Qazaqstan oblysy,
Sozaq aýdany,
Sholaqqorǵan aýyly.