Qujattan ketken qatelik júrekke qaıaý túsirip tur

Senbi, 29 qyrkúıek 2012 7:08

Kórshi О́zbekstannan ata­jur­ty­myzǵa kóship kelgenimizge kóp jyl­dyń júzi boldy. Maqtaaral aýdany, Atakent aýylyna qonystandyq. Bi­reý­den kem, bireýden ilgeri, áıteýir, el qatarly tirshilik kóshin jalǵas­ty­ryp kelemiz. Jat jurtta qalyp ketpeı, Otanymyzǵa oralýǵa jaǵdaı ja­sa­ǵan Elbasymyz N. Nazarbaevtyń saıa­­sa­ty­na myń alǵys. 2006 jyldyń maýsym aıynda azamattyq alyp, osy eldiń tolyqqandy bir múshesi ekenimizdi sezinip, baqyttan basymyz aı­naldy.

Senbi, 29 qyrkúıek 2012 7:08

Kórshi О́zbekstannan ata­jur­ty­myzǵa kóship kelgenimizge kóp jyl­dyń júzi boldy. Maqtaaral aýdany, Atakent aýylyna qonystandyq. Bi­reý­den kem, bireýden ilgeri, áıteýir, el qatarly tirshilik kóshin jalǵas­ty­ryp kelemiz. Jat jurtta qalyp ketpeı, Otanymyzǵa oralýǵa jaǵdaı ja­sa­ǵan Elbasymyz N. Nazarbaevtyń saıa­­sa­ty­na myń alǵys. 2006 jyldyń maýsym aıynda azamattyq alyp, osy eldiń tolyqqandy bir múshesi ekenimizdi sezinip, baqyttan basymyz aı­naldy.

Meniń aıtaıyn degenim, qyzym Janar Tastanova О́zbekstanda týǵa­ny­men, birinshi synyptan bastap №11 Maqtaaral orta mektebinde oqydy. Bıyl sol mektepti bitirip, UBT-da 100 ball jınap, arnaıy sertıfıkat aldy. Sóıtip, Almaty qalasyndaǵy S.Asfendııarov atyndaǵy Qazaq ulttyq medısına ýnıversıtetiniń qoǵamdyq medısına bólimine oqýǵa tústi. Qy­zym­nyń aty-jóni «Egemen Qazaqstan» gazetinde jarııalanǵan UBT qory­tyn­dysynda da jaryq kórdi. Áıtse de úı-ishimizben alaqaılap, bórkimizdi aspanǵa atqan osy qýanyshty jaǵ­daıdyń bir kiltıpany bolyp tur.
Qyzym jeke kýáligin bıylǵy jyl­dyń 19 naýryzynda aldy. UBT-ǵa da, odan keıin bolǵan konkýrsqa da osy jeke kýáligi boıynsha qatysty. Biraq, nege ekeni belgisiz, UBT-ny ótkiz­gen­der qujatty qyzymnyń týý týraly kýáligi boıynsha toltyryp, sonyń saldarynan Janardy «Aýyl kvota­syna» emes, «Oralman kvotasyna» engizip jibergen. Múmkin, oqyrmandar «Janar qaı kvota boıynsha oqysa da báribir ǵoı, áıteýir, joǵary bilim alyp shyqsa boldy emes pe?» dep oılaıtyn shyǵar. Biraq, búginde osy qateliktiń azabyn biz tartyp júrmiz. Ýnıversıtet basshylyǵy «Oralman kvotasynda bilim alý úshin áke-shesheńniń bireýinde О́zbekstannyń tólqujaty bolýy kerek» degen talap qoıyp otyr. Al ju­baıy­myz ekeýmiz Qazaqstan Respýb­lı­ka­sy­nyń  aza­mat­tyǵyn 2006 jyly al­ǵany­myzdy jo­ǵaryda aıttym.
Sonymen, «qyzymyz grantpen oqý­­­ǵa tústi, endi joǵary bilim ala­tyn boldy» dep qýanyp júrgende, onyń aıaǵy osylaı boldy. Shynyn aıtý kerek, bul jáıt júregimizge qaıaý tú­sirdi. Baly tolmaı, bilimi jet­peı qal­sa bir sári, bireýlerdiń salǵyrt­ty­ǵy­nan qujattan ketken qa­teden qyzym qalaısha dalada qala­dy?! Osy máse­lege elimizdiń Bilim jáne ǵylym mınıstrligi nazar aýda­ryp, máseleni oń sheship beredi degen úmitim bar.
Baızaq  BEGIMBETOV.
Ońtústik Qazaqstan oblysy,
Maqtaaral aýdany.