ARYZDYŃ SEIILGENI – JUMYS NÁTIJESI

Keshe “Nur Otan” halyqtyq-demokratııalyq partııasynyń Ortalyq apparatynda “Samuryq-Qazyna” ulttyq ál-aýqat qory” AQ, “Damý” kásipkerlikti damytý qory” AQ, Qarjygerler qaýymdastyǵy basshylarynyń qatysýymen Memlekettik qarajattyń paıdalanylýyn baqylaý jónindegi komıssııanyń kezekti otyrysy bolyp ótti. Atalǵan komıssııa tóraıymy, Májilistiń Qarjy jáne bıýdjet komıtetiniń tóraıymy Gúljan Qaraǵusova ótken jyly komıssııa 12 otyrys ótkizgendiginen habardar etti. Tóraıymnyń sózine qara­ǵanda, komıssııa jumys isteı bas­taǵan byltyrǵy qańtar men mamyr aılary aralyǵynda 3 myńnan astam aryz hattar kelip tússe, olardyń birtindep seıile basta­ǵany jumys nátıjesin kórsetedi. О́ıtkeni, atalǵan komıs­sııa kelip túsken árbir hatpen jeke-jeke aınalysypty. Sonyń arqasynda ıpotekalyq nesıe alýshylar men turǵyn úı salýǵa qatysýshy úleskerlerdiń jaǵdaıy birshama turaqtandyrylǵan. Endigi másele memleket ekinshi deńgeıli bankterge kómek qolyn sozsa, endi olar ózderin reformalaýǵa kóshý­leri tıis, dep sanaıdy komıssııa tóraıymy. Osy rette ıpotekalyq nesıe­lerin qaıta qarjylandyrýǵa qol jetkizgenderdiń sany 31 myń 304 adam bolsa, bul sanatqa qosyla almaǵandardyń sany 14 myńǵa jetip otyr eken. Solardyń 70 paıyzynda jalǵyz ǵana baspanasy barlyǵy anyqtalypty. Komıssııa óz kezeginde ýaqtyly nesıelerin tólep kelip, artynan ár túrli jaǵ­daı­larǵa baılanysty tóleı al­maǵan klıentterge qatysty bank­ter­men kezdesýler ótkizgeni de bel­gili boldy. Eń bastysy – bir bas­pa­nasy ǵana bar azamattardyń bas­panasyn bankter tarapynan tar­typ alý oqıǵalaryna shekteý qoıylǵan. “Samuryq-Qazyna” ulttyq ál-aýqat qory” AQ-tyń basqarýshy basqarma dırek­tory Qaırat Aıtekenov Ulttyq qordan ıpotekalyq nesıelerdi qaıta qarjylandyrýǵa bólingen 120 mıllıard teńgeniń tıimdi jumsalǵandyǵyn tilge tıek ete kelip, zań buzýshylyq tek 40,6 mıllıon teńgege qatysty bolǵan­dyǵynan habardar etti. Onda da bul somalar nesıelik stavka­lar­dyń aýysyp ketýimen baılanysty shyǵyndar. Elimizdegi 11 ekinshi deńgeıli bank negizgi port­fel­derge ıe bolypty. Tapsyrys 169 mıllıard teńgege berilse, artynan 20 jylǵa deıingi jeńildikpen tek 120 mıllıard teńge bólingen. Onda da bul jeńildikti nesıe bir baspanasy bar, onda da 120 sharshy metrden aspaıtyndarǵa berilgen. Jalpy, bankterdiń ıpotekalyq portfeli 600 mıllıard teńge kóleminde degen málimet bar eken. Ekinshi deńgeıli bankterde ıpotekalyq kredıti bary qaryz alýshylar isiniń jaı-kúıin tekserý maqsatynda “Nur Otan” partııasy Ortalyq apparatynda aǵymdaǵy jyldyń 17-24 aqpany aralyǵynda bank basshylarynyń azamattardy qabyldaýy bolyp ótken-di. Keshegi otyrys barysynda ekinshi deńgeıli banktermen osy baǵyttaǵy ynty­maq­tastyqty damytý týraly pikirler aıtylyp qalyp jatty. Sondaı-aq komıssııa otyry­synda “Damý KDQ” AQ-pen birlese Memleket basshysynyń tapsyrǵan “Bıznestiń jol kartasy 2020” baǵdarlamasyn oryndaý boıynsha ózara is-áreket etý ba­ry­sy pysyqtaldy. Otyrys qo­ry­tyndysy boıynsha usynys­tar qa­byl­danyp, Úkimetke jol­dandy. Komıssııa endigi ju­my­syn mem­le­ket bólgen qar­jy­lardyń tıim­diligin baqylaýǵa arnamaq oıda. Asqar TURAPBAIULY.