Esimi el esinde
Sársenbi, 9 mamyr 2012 7:14
Esov Ýálıahmet Shakenuly 1922 jyldyń 26 jeltoqsanynda Qostanaı jerinde ómirge keldi. El basyna tóngen úlken aýyrtpalyq syn saǵaty – Uly Otan soǵysy bastalǵanda Ýálıahmet júrek qalaýymen týǵan elin qorǵaýǵa tilek bildiredi.
1942-1945 jyldary Uly Otan soǵysynyń qandy shaıqastaryna qatysyp, eli men jeri úshin jan aıamaı kúresken. Ýálıahmet Shákenuly soǵystyń eń aýyr shaıqastary – Kýrsk ıininde, sonymen qatar Ýkraına, Chehoslovakııany azat etýge óziniń erligimen atsalysty. Onyń Otan aldyndaǵy qaharmandyq erligi 19 orden men medaldarmen, onyń ishinde «Otan soǵysy», «Qyzyl Juldyz», eki «Dańq», t.b. ordendermen marapattaldy.
Sársenbi, 9 mamyr 2012 7:14
Esov Ýálıahmet Shakenuly 1922 jyldyń 26 jeltoqsanynda Qostanaı jerinde ómirge keldi. El basyna tóngen úlken aýyrtpalyq syn saǵaty – Uly Otan soǵysy bastalǵanda Ýálıahmet júrek qalaýymen týǵan elin qorǵaýǵa tilek bildiredi.
1942-1945 jyldary Uly Otan soǵysynyń qandy shaıqastaryna qatysyp, eli men jeri úshin jan aıamaı kúresken. Ýálıahmet Shákenuly soǵystyń eń aýyr shaıqastary – Kýrsk ıininde, sonymen qatar Ýkraına, Chehoslovakııany azat etýge óziniń erligimen atsalysty. Onyń Otan aldyndaǵy qaharmandyq erligi 19 orden men medaldarmen, onyń ishinde «Otan soǵysy», «Qyzyl Juldyz», eki «Dańq», t.b. ordendermen marapattaldy.
Aman-esen elge oralyp, jasy ulǵaıǵan kezinde kóptegen qatarlastary sııaqty S.M.Kırov atyndaǵy Qazaq memlekettik ýnıversıtetiniń (qazirgi ál-Farabı) tarıh fakýltetine túsip, 1953 jyly úzdik bitirip shyǵady. Joǵary oqýǵa túspesten buryn ol ýnıversıtettiń bosatylǵan stýdenttik kásipodaq komıtetiniń tóraǵasy qyzmetine saılanǵan bolatyn. Ýálıahmet ekonomıst bolýdy júregi qalaıdy.
Máskeýdegi M.V.Lomonosov atyndaǵy ýnıversıtettiń aspırantýrasyn támamdap, ekonomıka ǵylymdarynyń kandıdattyq ǵylymı dárejesinen dıssertasııa qorǵaıdy. Ol kóptegen ǵylymı eńbekterdiń avtory, ǵylymı-zertteý eńbekterdiń ónegeli uıymdastyrýshysy, memlekettik ǵylymı mekemelerdiń jaýapty qyzmetinde boldy. Qazaq KSR-iniń Memlekettik josparlaý komıtetinde 20 jyldaı qyzmet atqardy.
Respýblıkada Ýálıahmet Shakenulynyń eline sińirgen ómir joly erekshe qurmetpen atalyp ótti. Ol kóptegen gramotalardyń, Qazaq KSR-iniń Joǵary jáne arnaýly bilim mınıstrliginiń, Kásipodaq jáne KLJO-nyń Qurmetti gramotalary, KSRO, BHShK-niń dıplomy men medaldardyń ıegeri.
Ýálıahmet Esov qaı jerde, qandaı jumys istese de, árdaıym óz mindetine uqyptylyǵymen, joldastarymen qarym-qatynasta sypaıy syılastyǵymen, aqkóńil adal pıǵylymen, joǵary adamgershilik qasıetterimen erekshelenip, zor qurmetke bólenetin, abyroı-bedelge ıe bolatyn. Uzaq jyldar boıy jınaqtaǵan mol tájirıbesin, óziniń asqan bilimdarlyǵyn, izgi aqyl-parasatyn qyzmet múddesine qaltqysyz paıdalaný arqasynda áriptester arasynda úlgi-ónege bolatyn.
Uly Otan soǵysynyń ardageri Esov Ýálıahmet Shakenulynyń ulaǵatty isi, ónegeli ómiri egemendi elimizdiń dáýletin asyrýǵa úles qosyp júrgen búgingi jastarǵa, keleshek urpaqqa úlgi bolatynyna kúmánimiz joq.
Jubaıy Tútenova Dana Baıkerimqyzy ınjener-tehnolog, 40 jyldan astam agrokompleks salasynda eńbek etti. Eńbek ardageri.
Ǵalym QURASh, jýrnalıst.
