Jıyrma bes joldama
Beısenbi, 12 sáýir 2012 7:11
DÚBIR
Olımpıadaǵa 106 kún qaldy
Astanada bokstan ótip jatqan halyqaralyq týrnır aıaqtalýǵa jaqyn qaldy. Búgin barlyq 10 salmaq dárejesinde fınaldyq jekpe-jekter ótip, týrnırdiń jeńimpazdary men Olımpıadaǵa joldama alǵan boksshylardyń esimderi belgili bolady.
Beısenbi, 12 sáýir 2012 7:11
DÚBIR
Olımpıadaǵa 106 kún qaldy
Astanada bokstan ótip jatqan halyqaralyq týrnır aıaqtalýǵa jaqyn qaldy. Búgin barlyq 10 salmaq dárejesinde fınaldyq jekpe-jekter ótip, týrnırdiń jeńimpazdary men Olımpıadaǵa joldama alǵan boksshylardyń esimderi belgili bolady.
Al ázirshe bizdiń quramadan osy týrnırde eki boksshy lısenzııany ıelenip otyr. Olar – 64 kılo salmaqtaǵy Danııar Eleýsinov pen 52 kılodaǵy Ilııas Súleımenov. Bul salmaqtarda joldamalar jartylaı fınalǵa shyqqanda beriletini belgili. Osy múmkindikti qos boksshymyz tıimdi paıdalanyp, joldamany jeńip aldy. Endigi úmit 49 kılodaǵy Birjan Jaqyp pen 94 kg. salmaqtaǵy Vasılıı Levıtke tirelip tur. Olarǵa Olımpıadaǵa lısenzııa fınalǵa shyqqan jaǵdaıda beriledi.
Jalpy, qazirgi kezde bizdiń elimizden taǵy 8 boksshynyń joldamaǵa ıelenip otyrǵany belgili. Byltyr Bakýde ótken álem chempıonatynda Ǵanı Jaılaýov (60 kg.), Serik Sápıev (69 kg.), Danabek Sýjanov (75 kg.), Ádilbek Nııazymbetov (81 kg.) pen asa aýyr salmaqtaǵy Ivan Dychko lısenzııaǵa ıe bolǵan. Al munyń aldynda Qanat Ábýtálipovtiń (56 kg.) Búkilálemdik boks serııasynyń jekelegen chempıonatynda joldamany jeńip alǵanyn bilemiz. Sol 6 joldamaǵa endi 2 joldama qosylyp otyr.
Basqa elderde, máselen, О́zbekstanda – 6, Úndistan, Qytaı elderinde 4 lısenzııa bolsa, Taıland, Mońǵolııa, Ońtústik Koreıa, KHDR men Japonııada úsh-úshten, Iran, Túrkimenstan men Tájikstan boksshylary eki-ekiden lısenzııaǵa ıelik etýde.
Osy aptanyń seısenbisine deıin Iran, Japonııa, Mońǵolııa, Soltústik Koreıa, Tájikstan taǵy bir-birden lısenzııa alsa, Túrkimenstan men О́zbekstan eki-ekiden joldamaǵa ıe boldy. Esterińizge sala ketsek, Ázerbaıjan astanasynda ótken álem chempıonatynda shırek fınaldan bastap fınalǵa shyqqan boksshylarǵa ǵana lısenzııa taratylǵan bolatyn. Endi, Astana týrnıri Olımpıadaǵa joldama beretin sońǵy irikteý syny bolǵandyqtan, onda tek jartylaı fınalǵa jáne fınalǵa shyqqan órenderge lısenzııa berilip otyr. Seısenbi kúngi málimetterge qaraǵanda, ázirshe Astana týrnırinde 15 elden 28 boksshy jartylaı fınalǵa joldama aldy. Onyń beseýi Úndistan ókilderi bolsa, tórteýi Qazaqstan men Japonııanyń boksshylary. Al Qytaı, Sýrııa, Tájikstan elderinen jartylaı fınalǵa úsh boksshydan, Irak, Túrkimenstan men Mońǵolııadan eki bylǵary qolǵap ıesi shyǵyp otyr. Iordanııa, KHDR, Ońtústik Koreıa men Fılıppınnen bir-bir boksshy bar.
Al joldamany qaltasyna basqan Ilııas Súleımenov pen Danııar Eleýsinov týrnırdiń jeńimpazy atanýǵa tyrysatyny belgili. Tórt boksshymyzǵa tórt salmaqta da naǵyz qarsylas bola alatyndar bar. Máselen, Birjan Jaqyptyń salmaǵynda tájik Asror Vohıdov ta jeńimpaz atanýǵa dámeli. Bul asa talantty boksshy byltyr Astanada tuńǵysh ret jasóspirimder arasynda ótken álem chempıonatyn jeńip, eń úzdik boksshy degen ataqty ıelengen bolatyn. Qazir ol nebári 17 jasta.
Jalpy, bul salmaqta Olımpıadaǵa lısenzııa berý máselesi sońǵy sátte ǵana sheshilgenin aıtqanbyz. О́ıtkeni, Bakýde ótken álem chempıonatynda 49 kıloda Azııaǵa tıesili 6 joldamanyń bári taratylyp ketken edi. Al Beıjiń Olımpıadasyna osy salmaqta 7 boksshynyń barǵanyn bilemiz. Osy jaǵdaıdy eskerip, Qazaqstan Boks federasııasy AIBA basshylyǵyna Azııadan 75 kılo salmaqty Eýropaǵa berip, Eýropadan 49 kılony Azııaǵa qosý týraly ótinish bergen bolatyn. Bizdiń qýanyshymyzǵa oraı, sol ótinish bıylǵy jyldyń basynda qanaǵattandyrylyp, Birjan Jaqyp Astana týrnırine qatysýǵa múmkindik alǵan. Endi ol osy senim men úmitti aqtap, Olımpıadaǵa lısenzııany jeńip alsa ıgi.
Osy týrnırde 52 kılo salmaqtaǵy Ilııas Súleımenovke mońǵolııalyq Týgssogt Nıambaıar, al Olımpıadada ózbek Jasurbek Latıpov, taılandtyq Chatchaı Batdı qarsylas bola alady. 64 kılodaǵy jastar arasyndaǵy álem chempıonatynyń júldegeri, eresekter arasyndaǵy elimizdiń birneshe dúrkin chempıony, Azııa oıyndarynyń jeńimpazy Danııar Eleýsinovke Olımpıadada mońǵol Ýranshımıd Muńherden men úndi Santosh Kýmar qarsylas bolsa, Astana týrnırinde oǵan laıyqty qarsylasty kórip otyrǵan joqpyz. Al 91 kılodaǵy Vasılıı Levıttiń salmaǵynda kerisinshe bas júldege talasatyn boksshylar kóp. Degenmen, boksshylarǵa bir sát bosańsýǵa bolmaıtyny aıtpasa da túsinikti. Bastalǵan isti sońyna deıin aıaqtaý kerek.
Qoryta aıtqanda, Astanaǵa jınalǵan Azııanyń qaı boksshysyna bolmasyn osy jerde Olımpıadaǵa lısenzııa alý – sońǵy múmkindik. Mundaı múmkindik endi berilmeıdi. Ásirese, jasy kelgen boksshylar osy múmkindikti jiberip almaý úshin baryn salý kerek. Al jalpy, London Olımpıadasyna barlyǵy 250 boksshy qatysýǵa tıis. Búginde 100-den astam joldamalardyń ıeleri anyqtalyp otyr. Qalǵan lısenzııalar ár qurlyqta ótetin týrnırlerde beriledi.
P.S. Astanadaǵy týrnırde azııalyqtar 25 joldamany sarapqa salsa, Afrıkaǵa – 48, Amerıkaǵa – 38, Eýropaǵa 26 lısenzııa tıesili. Al Muhıt jaǵalaýy elderinen Olımpıadaǵa baratyn boksshylar tolyqtaı belgili.
Keshe týrnırdiń jartylaı fınaly ótti. Birjan Jaqyp, Ilııas Súleımenov pen Danııar Eleýsinov fınalǵa shyqsa, Vasılıı Levıt qarsylasynan jeńilis tapty.
Dastan KENJALIN.
