Qazaqstan lıgasy – Eýropada

Senbi, 21 sáýir 2012 7:42

Jaqynda elimizge Chehııanyń Praga qalasynan qýa­nyshty habar kelip jetti. Bul jerge elimizdiń atynan Eýropa federasııasynyń quryltaı konferensııasyna qatysýǵa barǵan «Qazaqstan Respýblıkasy Áýesqoı fýtbolshylar lıgasy» qoǵamdyq birlestiginiń tóraǵa­sy Erlan Jarylqasynov elimizdiń atalǵan uıymǵa múshe bolǵanyn habarlady.

Senbi, 21 sáýir 2012 7:42

Jaqynda elimizge Chehııanyń Praga qalasynan qýa­nyshty habar kelip jetti. Bul jerge elimizdiń atynan Eýropa federasııasynyń quryltaı konferensııasyna qatysýǵa barǵan «Qazaqstan Respýblıkasy Áýesqoı fýtbolshylar lıgasy» qoǵamdyq birlestiginiń tóraǵa­sy Erlan Jarylqasynov elimizdiń atalǵan uıymǵa múshe bolǵanyn habarlady.

Qoǵamdyq birlestik tóraǵasynyń aıtýynsha, Che­hııa­­nyń Praga qalasynda ótken shaǵyn fýtboldan Eýropa federasııasynyń jıynyna bizdiń elimizden basqa taǵy 14 eldiń ókilderi qatysyp, uıymnyń qyzmeti men al­­daǵy josparlary týraly másele qaraǵan. Osy jıynda E.Jarylqasynov Qazaqstan áýesqoı fýtbol lıga­synyń atynan sóz sóılep, elimizde shaǵyn fýtboldyń damý barysy týraly baıandama jasap, tusaýkeser rásimin de ótkizgen eken. Sol jerde ol sporttyń bul túriniń Qazaqstanda jyldan-jylǵa damyp, kópshiliktiń súıikti oıynyna aınalǵany týraly oılarymen bólis­­ken. Ja­qynda biz «Qazaqstan Respýblıkasy Áýesqoı fýtbolshylar lıgasy» qoǵamdyq birlestiginiń tór­aǵasy Erlan JARYLQASYNOVPEN kezdesip, osy konferensııada qa­ral­ǵan máseleler týraly aıtyp berýin ótingen edik.

– Qazaqstan áýesqoı fýtbolshylar lıgasynyń Eýropa fýtbol lıgasyna qabyl­danǵanyn úlken oqıǵa deýge bolady. Buǵan qalaı qol jetkizdińizder? Jalpy, sizder qatysqan jıynda qandaı má­seleler qaraldy?

– Bul uıymǵa múshe bolý úshin kóp jumystar atqaryldy. О́zderińiz bizdiń elde áýesqoı fýtbolshylar lıgasy oıynda­ry­nyń kóktem, kúz jáne qys mezgilderinde ótkizilip kele jat­qanyn bilesizder. Bul oıyn­darǵa kóptegen komandalar qa­ty­syp, olardyń sany jyldan jylǵa artyp keledi. Bıylǵy kóktemgi maýsymǵa mysaly, Astanadaǵy «A» jáne «V» lıgasyna qatysýǵa biraz komandalar ótinishterin berdi. Eki lıga 18 komandadan quralyp otyr. Son­daı-aq, Almatydaǵy lıgalar da jyl­dan-jylǵa damyp keledi. Eýropadaǵy áripteste­ri­miz osy jaǵyn eskerip, bizge qart qur­lyqtyń áýesqoı fýtbolshylar federasııasyna mú­she bolýdy usyndy. Biz ol usynysty qýana qa­byl­dadyq. Bul elimizdiń sport tarıhyna tasqa qashalyp jazylatyn oqıǵa bolady dep oılaımyn.

Al jıynǵa bizden basqa taǵy 14 eldiń ókilderi qatysty. Onyń ishinde Horvatııa, Italııa, Izraıl, Ulybrıtanııa, Moldova, Grekııa, Rýmynııa, Chehııa, Slovakııa, Bolgarııa, Slovenııa, Polsha, Lıýksembýrg pen Kıpr elderi boldy. Bolashaqta onyń qataryna Germanııa, Fransııa, Bosnııa jáne Gersogovına, Qy­taı, О́zbekstan men Qyrǵyzstan da qabyldanatyn bolady. Jıynda Qazaqstan fýtboly týraly tusaýkeser rásimin ótkizip, baıandama jasadym. Bári tusaý­keser men baıandamaǵa rıza boldy. Tusaýkeser joǵary deńgeı­de ótti. Osy jıynda Rýmynııa federasııasynyń prezıdenti Býrleaný Razvan Eýropa fede­ra­sııasynyń prezıdenti, Chehııa federasııasynyń prezıdenti Fılıp Iýdy EF-tiń vıse-pre­zıdenti, Horvatııa federasııa­synyń prezıdenti Alpeza Brýno bes jylǵa bas hatshy bolyp saılandy. Konferensııada Eýropa federasııasynyń jarǵysy men erejeleri qabyldandy.

– Kezdesýde siz federa­sııa­nyń uıymdastyrý keńesiniń músheligine saılanypsyz. Siz­den basqa taǵy kimder keńes­tiń músheligine saılandy?

– Bul keńeske taǵy Uly­brıtanııadan Devıd Vındzor-Harrıs, Izraılden Iаır Shaer, Moldovadan Eýhenıo Chobý, Grekııadan Afanosıs Papadopýlos saılandy. Jıynda biz shaǵyn fýtboldan Eýropa lıgasyn damytý týraly máseleni qarap, bolashaqta 500 000-nan astam adamdy áýesqoı fýtbolǵa tartýdy aıttyq. Osy jerde men Qazaqstan áýesqoı fýtbol lıg­a­synyń Eýropa lıgasyna múshe bolýyna myna azamattardyń kóp eńbek sińirgenin atap ótkim keledi. Olar – «Qazaqstan Res­pýblıkasy Áýesqoı fýtbolshylar lıgasy» qoǵamdyq bir­les­tiginiń tóraǵasynyń orynbasary Ǵanı Jurtanov, bas hatshy Ǵalymjan Tilenshıev pen atqa­rýshy komıtettiń múshesi Valerıı Salımov degen azamattar. Osy azamattar bizdiń Eýropa federasııasynyń músheligine qa­byldanýymyzǵa kóp eńbek etti.

Endi biz kelesi jyldyń mamyr aıynda Bolgarııada osy eldiń fýtbolshylarymen dos­tyq kezdesý ótkizetin bolamyz. Bizdiń aldaǵy josparymyz lı­gaǵa qatysatyn oıynshylar sanyn 1123-ke jetkizip, elimizdiń barlyq qalalarynda áýesqoı fýtbolshylar lıgasyn ashý.

Qazirgi kezde Qazaqstan lıgalary Astana jáne Almatyda ótkizilip keledi. Oǵan Astanadan «Saıran», «Qýat», «Amanat» pen elimizdiń bas gazeti «Egemen Qa­­­­zaqstannyń» – «Egemen» ko­­­man­­­­da­­­lary sııaqty ujym­dar qa­tysýda.

Áńgimelesken Dastan KENJALIN.