Qazaq kúresi: júldeniń bári bizde
Seısenbi, 24 sáýir 2012 6:47
Brazılııanyń San Paýlo qalasynda qazaq kúresinen jastar arasyndaǵy álem chempıonaty aıaqtaldy.
Bul tuńǵysh ret Atlant muhıtynyń ar jaǵynda tól kúresimizden ótken álemdik dodada Qazaqstan quramasy 3 altyn, 2 kúmis, 9 qola júldege ıe boldy.
Seısenbi, 24 sáýir 2012 6:47
Brazılııanyń San Paýlo qalasynda qazaq kúresinen jastar arasyndaǵy álem chempıonaty aıaqtaldy.
Bul tuńǵysh ret Atlant muhıtynyń ar jaǵynda tól kúresimizden ótken álemdik dodada Qazaqstan quramasy 3 altyn, 2 kúmis, 9 qola júldege ıe boldy.
Qazaq tarıhynda úndilerdiń atamekeni sanalatyn Amerıka qurlyǵynda tól kúresimizden álem chempıonatyn ótkizý eshqashanda bolmaǵan oqıǵa. Bizdiń qýanyshymyzǵa oraı, búgin bizdiń elimiz Dúnıejúzilik qazaq kúresi federasııasynyń prezıdenti Serik Tókeev bastaǵan azamattardyń arqasynda tuńǵysh ret tól kúresimizden álem chempıonatyn ótkizý múmkindigine ıe boldy.
Bul synda 60 kılo salmaqta Tólenbaı Qasymhan, 70 kıloda Bekarys Ǵaınolla men 90 kılodan joǵary salmaqta Elaman Qoıshybaev álem chempıony atandy.
Al Bekbolat Ábdiǵazıev (70 kg.) pen Dáýlet Nıetbaı (60 kg.) ekinshi oryn alsa, Danııar Temirhanov (70 kg.), Raıymbek Rantaev (60 kg.) pen Joldasbek Bektursynov (90 kılodan joǵary) úshinshi orynǵa taban tiredi.
Brazılııada ótken álem chempıonaty kezinde 10 Amerıka elinde tól kúresimizden federasııalar ashý josparlanǵany belgili. Bul jańalyqty biz Dúnıejúzilik qazaq kúresi federasııasynyń prezıdenti Serik Tókeev bastaǵan azamattardyń San-Paýlodan kelgen kezde habarlasyp, oqyrmanǵa jetkizetin bolamyz.
Jalpy, bıylǵy jyly qazaq kúresin damytýǵa kóp jumystardyń istelinip jatqanyn atap ótýge bolady. Máselen, tól kúresimiz 4-5 sáýir kúnderi Shveısarııanyń Veleı qalasynda ótken Halyqaralyq kúres túrleri qaýymdastyǵynyń otyrysynda tuńǵysh ret 2013 jyly Dúnıejúzilik stýdentter oıyndarynyń baǵdarlamasyna ense, kelesi jyly Reseıdiń Sankt-Peterbýrg qalasynda ótetin Sport akkord jarystarynyń baǵdarlamasynda da bolatyny jarııalandy.
Dúnıejúzilik stýdentter oıyndary 70, 80, 90 jáne 90 kıloda joǵary salmaq dárejesinde Tatarstannyń Qazan qalasynda ótedi. Oǵan qazaq kúresinen Azııa, Eýropa, Afrıka men Amerıka chempıonattarynda 1-4 oryn alǵan balýandar men tól kúresimizden ótetin álem chempıonatynda 1-8 oryndy ıelengen sportshylar jáne bonýs retinde tegin joldama alǵan bes eldiń ókilderi qatysady. Sondaı-aq, qazaq kúresinen jarystar bıyl shilde aıynda Lıtvanyń Shıaýlıaı qalasynda ótetin Tafı oıyndarynyń baǵdarlamasyna enip otyr.
Dastan KENJALIN.
